ୟୁନିୟନ୍ ବ୍ୟାଙ୍କ୍ରେ ଜମା ହେବ ମହାପ୍ରଭୁଙ୍କ ଟଙ୍କା
ପୁରୀ: ୟୁନିୟନ୍ ବ୍ୟାଙ୍କରେ ଜମା ହେବ ମହାପ୍ରଭୁଙ୍କ ଟଙ୍କା । ୩୫୨ କୋଟି ଟଙ୍କା ୟୁନିୟନ୍ ବ୍ୟାଙ୍କ୍ରେ ଜମା ରହିବ । ଏନେଇ ୫.୭୫%ର ସୁଧ ଦେବ ୟୁନିୟନ୍ ବ୍ୟାଙ୍କ୍ । ୩ ବର୍ଷ ପାଇଁ ଜମା ରହିବ ଟଙ୍କା । ପରିଚାଳନା କମିଟି ନିଷ୍ପତ୍ତି ଅନୁଯାୟୀ ଜମା ହେବ ଟଙ୍କା ।
ଶ୍ରୀମନ୍ଦିର କର୍ପସ ଫଣ୍ଡ ସହ ଟେମ୍ପଲ ଫଣ୍ଡ୍ ଟଙ୍କା ଜମା ପାଇଁ ଜାତୀୟକରଣ ବ୍ୟାଙ୍କମାନଙ୍କଠାରୁ ଟେଣ୍ଡର ଆହ୍ୱାନ କରାଯାଇଥିଲା । ଆଜି ଏହା ଖୋଲାଯିବା ପରେ ପ୍ରଥମ ସ୍ଥାନରେ ୟୁନିଅନ୍ ବ୍ୟାଙ୍କ୍ ରହିଥିଲା । ଏଥିରେ ୫.୪୦% ସହ ଦ୍ୱିତୀୟ ସ୍ଥାନରେ ଇଣ୍ଡିଆନ୍ ବ୍ୟାଙ୍କ ଓ ତୃତୀୟରେ କାନାଡ଼ା ବ୍ୟାଙ୍କ ରହିଥିଲା । ସେମାନେ ୫.୭୫% ସୁଧ ଦେବାକୁ ଅରାଜି ହେବାରୁ ମହାପ୍ରଭୁଙ୍କ ସମସ୍ତ ଟଙ୍କା ୟୁନିଅନ୍ ବ୍ୟାଙ୍କ୍ରେ ଜମା ହେବ ।
