କୋର୍ଟରେ ସତ ସ୍ୱୀକାର କଲା ସଇତାନ ଅଫତାବ
1 min read
ନୂଆଦିଲ୍ଲୀ: ଦିଲ୍ଲୀରେ ଅଫତାବ ପୁନାଓ୍ବାଲାର ଚାଲିଛି ପଲିଗ୍ରାଫ ଟେଷ୍ଟ । ଖୁବଶୀଘ୍ର ଖୋଲିବ ବଡ଼ ବଡ଼ ଗୁମର । ଏପଟେ ଶ୍ରଦ୍ଧା ଓ୍ବାକର ମର୍ଡର ମିଷ୍ଟ୍ରିରେ ସତ ମାନିଛି ଅଫତାବ । କୋର୍ଟରେ ସତ ସ୍ବୀକାର କରିଥିବା କହିଛନ୍ତି ଅଭିଯୁକ୍ତ ଅଫତାବ ପୁନାଓ୍ବାଲାଙ୍କ ଓକିଲ । ରାଗରେ ଶ୍ରଦ୍ଧାଙ୍କୁ ହତ୍ୟା କରିଛି ବୋଲି ଅଫତାବଙ୍କ ଓକିଲ କୋର୍ଟରେ କହିଛନ୍ତି । ରାଗରେ ଲିଭ-ଇନ ପାର୍ଟନର ଶ୍ରଦ୍ଧାଙ୍କୁ ହତ୍ୟା କରିଥିଲା ଅଫତାବ । ବହୁତ ଦିନ ହୋଇଯାଇଥିବାରୁ ଅନେକ କଥା ଭୁଲି ଯାଇଛି ।
ମ୍ୟାପରେ ଶ୍ରଦ୍ଧା ମର୍ଡର କେସର ରୁଟ୍ ପ୍ରସ୍ତୁତ କରିବା ସହ ହିଟ୍ ଅଫ ମୋମେଣ୍ଟରେ ଏପରି ଘଟିଥିବା ଅଫତାବ କହିଛି । ସେପଟେ ଅଫତାବକୁ ଆଉ ୪ ଦିନ ରିମାଣ୍ଡରେ ନେଇଛି ପୋଲିସ । ଖୁବଶୀଘ୍ର ସୈତାନର ପଲିଗ୍ରାଫ ଟେଷ୍ଟ କରାଯିବ । ହତ୍ୟାକାଣ୍ଡରେ ବ୍ୟବହୃତ ମାରଣାସ୍ତ୍ର ମଧ୍ୟ କେଉଁଠି କେଉଁଠି ଫିଙ୍ଗିଛି ପୋଲିସକୁ କହିଛି ଅଫତାବ ।
ଆରି ଏବଂ ବ୍ଲେଡ ଗୁରୁଗ୍ରାମ DLF ଫେଜ୍ ୩ ରେ ଫିଙ୍ଗିଥିବା ବେଳେ ମେହରୁଲିର ଏକ ଅଳିଆ ଗଦାରେ ଚାପଡ଼ ଫିଙ୍ଗିଥିବା କହିଛି । ସେହିପରି ମୈଦାନଗଡ଼ ପୋଖରୀରେ ତମାମ ଖୋଜାଖୋଜି ପରେ ବି ପୋଲିସକୁ କିଛି ଗୁରୁତ୍ବପୂର୍ଣ୍ଣ ପ୍ରମାଣ ମିଳିନି । ମେହରୁଲି ଜଙ୍ଗଲରୁ ମିଳିଥିବା କିଛି ହାଡ଼ ଖଣ୍ଡ ମଧ୍ୟ ପୋଲିସ ଫରେନସିକ ଲ୍ୟାବକୁ ଟେଷ୍ଟିଂ ପାଇଁ ପଠାଇଛି । ଦିଲ୍ଲୀ ପୋଲିସର ୧୪ଟି ଟିମ୍ ଶ୍ରଦ୍ଧା ମର୍ଡର କେସ୍ ପ୍ରମାଣ ଖୋଜିବାରେ ଲାଗିଛନ୍ତି । ଦିଲ୍ଲୀ, ଗୁରୁଗ୍ରାମ, ମହାରାଷ୍ଟ୍ର, ହିମାଚଳ, ଉତ୍ତରାଖଣ୍ଡରେ ଦିଲ୍ଲୀ ପୋଲିସ ପ୍ରମାଣ ଯୋଗାଡ଼ କରୁଛି ।
