ଚିରଞ୍ଜୀବ ବିଶ୍ବାଳଙ୍କୁ କାରଣ ଦର୍ଶାଅ ନୋଟିସ, ଦଳ ବିରୋଧୀ ମନ୍ତବ୍ୟ ଦେଇଥିବାରୁ ଜବାବ ଦେବାକୁ ନିର୍ଦ୍ଦେଶ

ଭୁବନେଶ୍ୱର: କଂଗ୍ରେସର ଦୁଇ ବରିଷ୍ଠ ନେତା ମହମ୍ମଦ ମୋକିମ ଓ ଚିରଞ୍ଜୀବ ବିଶ୍ବାଳଙ୍କୁ କାରଣ ଦର୍ଶାଅ ନୋଟିସ । ଜାନକୀ–ବସନ୍ତ ଯୋଡ଼ି ଶୀର୍ଷକ ଆଲୋଚନାଚକ୍ର ପାଇଁ ନୋଟିସ ହୋଇଛି । ତେବେ କାରଣ ଦର୍ଶାଅ ନୋଟିସ ପାଇନାହିଁ ବୋଲି କହିଛନ୍ତି ଚିରଞ୍ଜୀବ ବିଶ୍ବାଳ । ନୋଟିସ ପାଇଲେ ଉତ୍ତର ରଖିବେ ବୋଲି କହିଛନ୍ତି ଚିରଞ୍ଜୀବ । ୨୦୨୪ ନିର୍ବାଚନରେ ୧୪୭ ନିର୍ବାଚନୀମଣ୍ଡଳୀରେ କଂଗ୍ରେସ ପ୍ରାର୍ଥୀ ଦେଇପାରିବନି ବୋଲି କହିଥିଲେ ଚିରଞ୍ଜୀବ । ୯ରୁ ୯୦ ମିଶନକୁ ନେଇ ମଧ୍ୟ ଉଠାଇଥିଲେ ପ୍ରଶ୍ନ ।

ସେହିପରି ପୂର୍ବରୁ ମୋକିମଙ୍କୁ ଏଆଇସିସି ପକ୍ଷରୁ ଦୁଇ ଥର ନୋଟିସ ଜାରି ହୋଇଥିଲା । ମୋକିମଙ୍କୁ ଦଳ ବିରୋଧୀ କାର୍ଯ୍ୟ ପାଇଁ ନୋଟିସ ହୋଇଥିଲା । ତେବେ ଯାହା ଅଭିଯୋଗ ଆସିଥିଲା, ତାହା ଏଆଇସିସିକୁ ପଠାଯାଇଛି ବୋଲି ପିସିସି ସଭାପତି କହିଛନ୍ତି । ଏ ପ୍ରସଙ୍ଗରେ ଏଆଇସିସି ଯାହା ନିଷ୍ପତ୍ତି ନେବ । ଯେଉଁମାନେ ଦଳ ବିରୋଧୀ କାର୍ଯ୍ୟ କରିବେ ସେମାନଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ ବୋଲି ପିସିସି ସଭାପତି ଶରତ ପଟ୍ଟନାୟକ କହିଛନ୍ତି ।