ମାରାଥନ ବେଳେ ଯୁବକଙ୍କୁ ଗୁଳିମାଡ଼

ରାଉରକେଲା: ଷ୍ଟିଲସିଟି ରାଉରକେଲାରେ ସକାଳୁ ସକାଳୁ ଫୁଟିଲା ଗୁଳି । ସେକ୍ଟର ୩ ଛକ ନିକଟରେ ଯୁବକକୁ ଗୁଳିମାଡ । ମାରାଥନ ଚାଲିଥିବା ସମୟରେ ଫାୟାରିଂ ହୋଇଛି । ତେବେ କିଏ ଓ କାହିଁକି ଏହି କାଣ୍ଡ ଭିଆଇଲା ତାହା ସ୍ପଷ୍ଟ ହୋଇନି ।

ଆହତ କର୍ମଚାରୀ ଜଣେ ରେଳବାଇ କର୍ମଚାରୀ ବୋଲି ଜଣାପଡ଼ିଛି । ଗୁଳିମାଡ଼ରେ ସେ ସାମାନ୍ୟ ଆହତ ହୋଇଛନ୍ତି । ତାଙ୍କ ପିଠି ପଛପଟେ ଗୁଳି ସାମାନ୍ୟ ବାଜିଛି । ଆହତ କର୍ମଚାରୀ ହେଲେ ସଲିଲ କୁମାର ସାହୁ । ତାଙ୍କୁ ରାଉରକେଲା ଇସ୍ପାତ ଜେନେରାଲ ହସ୍ପିଟାଲରେ ଭର୍ତ୍ତି କରାଯାଇଛି ।

ଅଭିଯୋଗ ପାଇବା ପରେ ସେକ୍ଟର ତିନି ଥାନା ପୋଲିସ ପକ୍ଷରୁ ଘଟଣାର ତଦନ୍ତ ଆରମ୍ଭ କରାଯାଇଛି । ଆହତ ଯୁବକଙ୍କୁ ସିଧା ଗୁଳିମାଡ ହୋଇ ନଥିବା ପୋଲିସ କହିଛି । CISF ରେଞ୍ଜ ଫାୟରିଂ କୋର୍ସ ସମୟରେ ସେହି ଗୁଳି ଆସି ଯୁବକଙ୍କ ଦେହରେ ବାଜିଥିବା ପୋଲିସ ପକ୍ଷରୁ ସନ୍ଦେହ କରାଯାଉଛି ।