ଗୋରୁ ବ୍ୟବସାୟକୁ କେନ୍ଦ୍ର କରି ଗୁଳିକାଣ୍ଡ, ଗୁଳି କରି ଲୁଟିନେଲେ ୨୦ ଲକ୍ଷ

ବାରିପଦା: ପୁଣି ଗୋରୁ ବ୍ୟବସାୟକୁ କେନ୍ଦ୍ର କରି ଗୁଳିକାଣ୍ଡ । ପଶ୍ଚିମବଙ୍ଗର ୨ ବ୍ୟବସାୟୀଙ୍କୁ ଗୁଳି କରି ୨୦ ଲକ୍ଷ ଟଙ୍କା ଲୁଟି ନେଲେ ଦୁର୍ବୃତ୍ତ । ଘଟଣାରେ ଜଣେ ବ୍ୟବସାୟୀଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଆହତ ହୋଇଛନ୍ତି । ମୟୂରଭଞ୍ଜ ଜିଲ୍ଲା ବାଦାମପାହାଡ ଥାନା ଅଧୀନ ହାଟବାଦଡା ଗୋରୁହାଟରେ ଏହାକୁ ନେଇ ଉତ୍ତେଜନା ପ୍ରକାଶ ପାଇଛି ।

ସୂଚନା ଅନୁସାରେ ବୁଧବାର ସାପ୍ତାହିକ ଗୋରୁ ହାଟ ଚାଲୁଥିବାବେଳେ ୪ ଜଣ ଦୁର୍ବୃତ୍ତ ଆସି ହଠାତ ୩ ରାଉଣ୍ଡ ଫାୟାରିଂ କରିଥିଲେ । ଏହା ପରେ ତାଙ୍କଠାରୁ ୨୦ ଲକ୍ଷ ଟଙ୍କା ଲୁଟି ନେଇ ଫେରାର ହୋଇଯାଇଥିଲେ । ତେବେ ଏହି ଘଟଣାରେ ଅଭିଯୁକ୍ତଙ୍କୁ ଗିରଫ କରିବା ପାଇଁ ସୀମାବର୍ତ୍ତି ଅଞ୍ଚଳରେ ତନାଘନା ଚାଲିଛି । ପୂର୍ବରୁ ଯଶିପୁର ଟୋଲଗେଟରେ ମାଫିଆ କରିଥିଲେ ଫାୟାରିଂ ।