ସୋନିଆଙ୍କ ଟେନିସ ଏକାଡେମୀର ଠିକଣା ଜାଣି ନାହାନ୍ତି ସୋଏବ, ବିଚ୍ଛେଦ ଯାଏଁ ପହଞ୍ଚିଲାଣି ସ୍ଥିତି
ହାଇଦ୍ରାବାଦ: ୧୨ ବର୍ଷ ପୂର୍ବେ କବୁଲ ହୈ କହି ହାତ ଧରିଥିଲେ । ଏବେ ତଲାକ୍ ତଲାକ୍ କହି ହାତ ଛାଡିଦେବେ କି ?ଶରହଦ୍ ପାର କରି ବାଛିଥିଲେ ସାଥୀ । ଆଉ ଏବେ ପ୍ରେମରେ ପଡିବ କି ପୂର୍ଣ୍ଣଚ୍ଛେଦ ? ଏମିତି ଅନେକ ପ୍ରଶ୍ନ ଭିତରେ ସୋହେବ ସାନିଆଙ୍କ ସମ୍ପର୍କ । ଖେଳ ଜଗତର ପାୱାରଫୁଲ କପଲଙ୍କ ପ୍ରେମସମ୍ପର୍କକୁ ନେଇ ଏବେ ଅନେକ ପ୍ରଶ୍ନ । ଟେନିସ କୋର୍ଟରେ ସବୁବେଳେ ହିଟ୍ ରହୁଥିବା ସାନିଆଙ୍କ ଲଭଷ୍ଟୋରୀ କିନ୍ତୁ ଫେଲ୍ ହେବା ନେଇ ଚାରିଆଡେ ଚର୍ଚ୍ଚା । ଖେଳ ଦୁନିଆର ପାୱାର କପଲ୍ ଭାବେ ଜଣାଶୁଣା ଟେନିସ ଷ୍ଟାର ସାନିଆ ମିର୍ଜା ଓ ପାକିସ୍ତାନ କ୍ରିକେଟର ଅଲରାଉଣ୍ଡର ସୋଏବ ମଲ୍ଲିକ । ପୁଅ ଇଜହାନ ସହ ଆଦର୍ଶ ପରିବାରର ମିସାଇଲ ବି ଦିଅନ୍ତି ଏହି ସ୍ପୋର୍ଟସ କପଲ । କିନ୍ତୁ ଦୁହିଁଙ୍କ ବିଚ୍ଛେଦ ଖବର ଏବେ ପାକିସ୍ତାନ ମିଡିଆରେ ନିଆଁ ଭଳି ବ୍ୟାପିଛି । ଖୁବଶୀଘ୍ର ଦୁହେଁ ଅଲଗା ହେବା ନେଇ ଲଗାତାର ପାକିସ୍ତାନ ମିଡିଆ ପ୍ରସାରଣ କରିବାରେ ଲାଗିଛି ।
୨୦୧୦ରେ ବିବାଦୀୟ ଢଙ୍ଗରେ ପରସ୍ପରର ହାତ ଧରିଥିଲେ ସାନିଆ ଓ ସୋହେବ । ସେହି ସମୟରେ ଆଉ ଜଣେ ମହିଳା ସୋହେବଙ୍କ ପ୍ରଥମ ପତ୍ନୀ ରୂପେ ଅଭିଯୋଗ କରିଥିଲେ । ହେଲେ ପ୍ରେମରେ ଉବୁଟୁବୁ ସାନିଆ ସବୁ କିଛି ଭୁଲି ସୋଏବଙ୍କୁ ସାତଜନ୍ମର ସାଥୀ କରିଥିଲେ । ନିକଟରେ ମଲ୍ଲିକ କପଲ୍ ପୁଅ ଇଜହାନର ଜନ୍ମଦିନ ଏକାଠି ପାଳିଥିଲେ । କିନ୍ତୁ ସାନିଆ ପାର୍ଟିର ଗୋଟିଏ ବି ଫଟୋ ଇନଷ୍ଟାଗ୍ରାମରେ ପୋଷ୍ଟ କରିନଥିଲେ । ଯାହାକି ସହଜରେ ଗ୍ରହଣ କରି ପାରିନଥିଲେ ପ୍ରଶଂସକ । ଓଲଟା ପାରିବାରିକ ଜୀବନରେ ଝଡ ଉଠିଥାଇପାରେ ବୋଲି ଅନୁମାନ କରୁଛନ୍ତି ଫ୍ୟାନ୍ସ । କେବଳ ଏତିକି ନୁହେଁ ଚର୍ଚ୍ଚାକୁ ଆହୁରି ଖୋରାକ୍ ଯୋଗାଉଛି ସାନିଆଙ୍କ ପୋଷ୍ଟ । ସୋସିଆଲ ମିଡିଆରେ ‘ଖରାପ ସମୟ’ ‘ଭଙ୍ଗା ହୃଦୟ’ ଲେଖି ପୋଷ୍ଟ କରୁଛନ୍ତି ସାନିଆ । ସେପଟେ ସୋଏବ ମଧ୍ୟ ପାକିସ୍ତାନ ମିଡିଆର ଏକ ଟକ ଶୋ’ରେ ସାନିଆଙ୍କ ସହ ଧୋକା କରିଥିବା ନେଇ ମାହୋଲ ସରଗରମ ।
ଏକ ମିଡିଆ ରିପୋର୍ଟ ଅନୁସାରେ ପାକିସ୍ତାନୀ କ୍ରିକେଟ ଶୋ ଆସ୍କ ଦ ପାଭିଲିଅନ କାର୍ଯ୍ୟକ୍ରମରେ ସାନିଆଙ୍କୁ ନେଇ ସୋଏବଙ୍କୁ ପ୍ରଶ୍ନ କରାଯାଇଥିଲା । ସାନିଆଙ୍କ ଟେନିସ ଏକାଡେମୀ ଓ ଏହାର ଲୋକେସନ ସମ୍ପର୍କରେ ପଚାରିଥିଲେ ଆଙ୍କର । ଯାହାର ଜବାବ ଦେଇ ସୋଏବ କହିଥିଲେ ଯେ ସେ ବାସ୍ତବରେ ଟେନିସ ଏକାଡେମୀର ଠିକଣା ଜାଣି ନାହାନ୍ତି । ଏପରିକି ଏକାଡେମୀକୁ ମଧ୍ୟ କେବେ ଯାଇନାହାନ୍ତି । ସୋଏବଙ୍କ ଉତ୍ତର ଶୁଣି ଆଶ୍ଚର୍ଯ୍ୟ ହୋଇଯାଇଥିଲେ ୱାକର ୟୁନିସ । ନିଜକୁ ସମ୍ଭାଳି ନପାରି ସେ ସୋଏବଙ୍କୁ କହିଥିଲେ ଯେ ତୁମେ କେମିତିକା ସ୍ବାମୀ ।
ସେ ଯାହା ବି ହେଉନା କାହିଁକି ବିଚ୍ଛେଦ ଖବରକୁ ନେଇ ମୁହଁ ଖୋଲି ନାହାନ୍ତି ମଲିକ ଦମ୍ପତି । ୨୦୧୦ରେ ନବାବ ଠାଣିରେ ହାଇଦ୍ରାବାଦରେ ବିବାହ କରିଥିଲେ ସାନିଆ ସୋଏବ । ବିବାହର ୧୦ ବର୍ଷ ପରେ ପୁଅ ଇଜହାନଙ୍କ ଜନ୍ମ ହୋଇଥିଲା ।
