ନନ୍ଦିଘୋଷ ବ୍ୟୁରୋ : ୨୪ ଘଣ୍ଟାର ରେଡ ପରେ ମିଳିଲା ସାଂଘାତିକ ପ୍ରମାଣ । ପ୍ରାଥମିକ ଭାବେ ପାଖପାଖି ୫୦ କୋଟି ଟଙ୍କାର ଟିକସ ଫାଙ୍କିବା ନେଇ ପ୍ରମାଣ ପାଇଲା ଆୟକର ବିଭାଗ । ଭୁବନେଶ୍ବର ଚନ୍ଦ୍ରଶେଖରପୁରରେ ଥିବା ଏମ୍ବାସି ବାର ଏବଂ ସ୍କାଏ ଲାଉଞ୍ଜ ବାର୍ଷିକ ୨୫ କୋଟି କାରବାର କରୁଥିବା ବେଳେ ୮୦ ପ୍ରତିଶତ ଟିକସ ଫାଙ୍କିବା ନେଇ ତଥ୍ଯ ପ୍ରମାଣପାଇଛି ଆୟକର ବିଭାଗ । ସେହିଭଳି ମହୀଶୂର ଏକ୍ସପ୍ରେସ ଓ ତନ୍ଦୁରୱାଲା ମଧ୍ଯ ବିପୁଳ ପରିମାଣର ଟିକସ ଠକେଇ କରିଥିବା ଆୟକର ବିଭାଗ ପ୍ରମାଣ ପାଇଛି । ପେଟପୂଜା ଆପ୍ ଜରିଆରେ ଏହି ରେଷ୍ଟୁରାଣ୍ଟ ଗୁଡିକ ଠକେଇ କରିବା ନେଇ ପ୍ରାଥମିକ ପ୍ରମାଣ ସହ ଆୟକର ବିଭାଗର ୧୫ଟି ଟିମ୍ କଟକ, ଭୁବନେଶ୍ବର, ପୁରୀର ୬ଟି ସ୍ଥାନରେ ଚଢାଉ କରିଥିଲା । ୨୪ ଘଣ୍ଟା ଧରି ଖୋଳତାଡ଼ କରିବା ପରେ ଗୁରୁତ୍ୱପୂର୍ଣ୍ଣ କାଗଜପତ୍ର, କ୍ୟାସ ବୁକ୍ , ବ୍ୟାଙ୍କ ସମ୍ବନ୍ଧିତ କାଗଜପତ୍ର ଆଦି ଜବତ କରିଛି ଚଢାଉକାରୀ ଦଳ । ମହୀଶୂର ଏକ୍ସପ୍ରେସ ମାଲିକ ଅଭୟ କୁମାର ନାୟକ ଓ ଏମ୍ବାସି ବାର ଏବଂ ରେଣ୍ଟୁରାଣ୍ଟ , ସ୍କାଏ ଲାଉଞ୍ଜ ମାଲିକଙ୍କୁ ଜେରା ପରେ ଆୟକର ବିଭାଗ ଅଫିସରେ ହଜାର ପାଇଁ ନୋଟିସ କରାଯାଇଛି ।
