କନ୍ଦା ଖୋଳୁ ଖୋଳୁ ଘଟିଲା ଏମିତି ଅଲୌକିକ ଘଟଣା! ଜାଣନ୍ତୁ କ’ଣ କହୁଛନ୍ତି ଗବେଷକ

ନବରଙ୍ଗପୁର: ହାତରେ ଫୁଲ ବେଲପତ୍ର ଧରି ପାହାଡ଼ରେ ଲାଗିଛି ଭକ୍ତଙ୍କ ଭିଡ଼ । ଚାଲିଛି ପୂଜାର୍ଚ୍ଚନା, ମନ୍ତ୍ରରେ ପ୍ରକମ୍ପିତ ହେଉଛି ପାହାଡ଼ । କାରଣ ହେଉଛି, ଏଠି ଘଟିଛି ଏକ ଅଲୌକିକ ଘଟଣା । ମାଟି ତଳୁ ଆବିର୍ଭାବ ହୋଇଛନ୍ତି  ଦେବ ଦେବ ମହାଦେବ ।

ଏ ଦୃଶ୍ୟ ହେଉଛି ନବରଙ୍ଗପୁର ଜିଲ୍ଲା ଅନ୍ତର୍ଗତ ନଙ୍ଗରାଡଙ୍ଗରା ଗାଁ ନାଗାଭୈରବ ପାହାଡ଼ର । ଖବର ନେବାରେ ଜଣାପଡ଼ିଛି, ଗାଁ ର ଦଶମୁ ପୂଜାରୀ କନ୍ଦା ଖୋଳିବାକୁ ପାହାଡ଼କୁ ଯାଇଥିଲେ । ଗୋଟିଏ ସ୍ଥାନରେ କନ୍ଦା ଖୋଳୁଖୋଳୁ ଗୋଲାକାର ଆକୃତିର ଏହି ପଥରକୁ ପ୍ରଥମେ ଦେଖିଥିଲେ । ନିଜ ସାଥିରେ ଯାଇଥିବା ଆଉ କେତେଜଣଙ୍କୁ ଡାକି ଅଧିକ କିଛି ଗଭୀର ପର୍ଯ୍ୟନ୍ତ ଖୋଲିଥିଲେ । ପରେ ଗାଁ କୁ ଖବର ଦେଇଥିଲେ । ଗାଁ ଲୋକେ ଘଟଣା ସ୍ଥଳକୁ ପହଞ୍ଚି ସ୍ଥିତି ଅନୁଧ୍ୟାନ କରି ପଥର ଚାରି ପାଖରେ ଅଧିକ ଖୋଳାଖୋଳି କରିଥିଲେ ।

ଖୋଦେଇ ପରେ ପାହାଡ଼ ତଳୁ ତିନିଫୁଟ ଗୋଲେଇ ଆକୃତି ଏକ ଶିବ ଲିଙ୍ଗ । ବିଜୁଳି ବେଗରେ ଖବର ପ୍ରଚାର ହେବାପରେ ଶତାଧିକ ଲୋକ ଘଟଣାସ୍ଥଳରେ ପହଞ୍ଚି ପୂଜାର୍ଚ୍ଚନା କରିଥିଲେ ।

ଖବର ପ୍ରଚାର ପରେ ନଙ୍ଗରାଡଙ୍ଗରି ଗାଁ ର ନାଗାର୍ଜୁନ କଳା ସଂସ୍କୃତିକ ଯୁବ ପରିଷଦ ଏହାର ସୁରକ୍ଷା ଦାୟିତ୍ୱ ଗ୍ରହଣ କରିଛନ୍ତି ।

ଏହି ଐତିହାସିକ ପାହାଡ଼ ଉପରେ ଗବେଷଣା କରୁଥିବା ଗବେଷକ କୈଳାଶ ବେହେରା ପହଞ୍ଚି ପଥରକୁ ଭଲଭାବେ ଅନୁଧ୍ୟାନ କରିଥିଲେ । ନଳବଂଶ ପୂର୍ବରୁ ଏଠାରେ ଶାସନ କରିଥିଲେ ଏବଂ ଏହି ଶିବଲିଙ୍ଗ ବାଣାସୁରଙ୍କ ସମୟର ବୋଲି ପ୍ରକାଶ କରିଛନ୍ତି ଗବେଷକ ।

')}