ନନ୍ଦିଘୋଷ ବ୍ୟୁରୋ: ଭାରତ-ପାକିସ୍ତାନ ବିବାଦ ପ୍ରସଙ୍ଗ। ଭାରତ ସପକ୍ଷରେ ସମର୍ଥନ ଯୋଗାଡ ଲାଗି ବିଶ୍ବର ବିଭିନ୍ନ ରାଷ୍ଟ୍ର ଗସ୍ତରେ ଯିବେ ୭ଜଣିଆ ଟିମ। ଏହି ଟିମରେ ଅଛନ୍ତି ବରିଷ୍ଠ କଂଗ୍ରେସ ନେତା ଶଶୀ ଥରୁରଙ୍କ ସମେତ ଅନ୍ୟ ଦଳର ସାଂସଦ ରହିଛନ୍ତି। ଏହି ୭ଜଣଙ୍କ ନାମ ଘୋଷଣା କରିଛି କେନ୍ଦ୍ର ସଂସଦୀୟ ବ୍ୟାପାର ମନ୍ତ୍ରାଳୟ। ଏହି ସାଂସଦମାନେ ହେଲେ, କଂଗ୍ରେସ ସାଂସଦ ଶଶୀ ଥରୁର, ବିଜେପି ସାଂସଦ ରବି ଶଙ୍କର ପ୍ରସାଦ, ବୈଜୟନ୍ତ ପଣ୍ଡା, ଜେଡିୟୁ ସାଂସଦ ସଞ୍ଜୟ କୁମାର ଝା, ଡିଏମକେ ସାଂସଦ କାନିମୋଜି କରୁଣାନିଧି, ଏନସିପି ଏସପି ସାଂସଦ ସୁପ୍ରିୟା ସୁଲେ ଓ ଶିବସେନା ସାଂସଦ ଶ୍ରୀକାନ୍ତ ଏକନାଥ ସିନ୍ଦେ।
ଏପ୍ରିଲ ୨୨ ପହଲଗାଓଁ ହମଲା ପରେ ଅପରସେନ ସିନ୍ଦୂର ଆରମ୍ଭ ହୋଇଥିଲା ଏବଂ ପାକିସ୍ତାନକୁ ମୁହଁତୋଡ ଜବାବ ଦେଇଥିଲା ଭାରତ। ତେବେ ପାକିସ୍ତାନର ଆତଙ୍କୀନୀତି ବିରୋଧରେ ଭାରତକୁ ସମର୍ଥନ ଯୋଗାଡ଼ ନେଇ ଏହି ପ୍ରତିନିଧି ମଣ୍ଡଳୀ ଗଠନ ସମ୍ପର୍କରେ ଚିନ୍ତା କରିଥିଲା ଭାରତ। ଏସମ୍ପର୍କରେ କେନ୍ଦ୍ର ସଂସଦୀୟ ବ୍ଯାପାର ମନ୍ତ୍ରୀ କିରଣ ରିଜିଜୁ କହିଛନ୍ତି- ଏହି ଘଡ଼ିସନ୍ଧି ମୁହୂର୍ତ୍ତରେ ଦେଶ ଶକ୍ତ ରହିଛି। ଆତଙ୍କବାଦ ବିରୋଧରେ ଭାରତ ସର୍ବଦା ଜିରୋ ଟଲରାନ୍ସ ନୀତି ଆପଣାଇବ। ବିଭିନ୍ନ ରାଜନୈତିକ ଦଳ ନିର୍ବିଶେଷରେ ଏହି ପ୍ରସଙ୍ଗରେ ସମସ୍ତ ଦଳ ଏକ ହୋଇଛନ୍ତି ।
