ଆସନ୍ତା ମାସରେ ମହଙ୍ଗା ହୋଇପାରେ ଚା’ ଦର

କରୋନା ମହାମାରୀ କାରଣରୁ ଚଳିତ ବର୍ଷ ୨୦୨୦ରେ ଚା ପତି ଉତ୍ପାଦନରେ ପ୍ରାୟ ୩୭ ପ୍ରତିଶତର କ୍ଷତି ସହିବାକୁ ପଡ଼ିପାରେ । ଏହି କାରଣରୁ ଲୋକଙ୍କୁ ଚା ପତି କିଣିବା ମହଙ୍ଗା ପଡ଼ିପାରେ । ଏହି ମହା ବିପତ୍ତି ସମୟରେ ଦୀର୍ଘ ଦିନ ଧରି ଲକଡାଉନ ଏବଂ ପୂର୍ବ-ଉତ୍ତର ରାଜ୍ୟରେ ପ୍ରବଳ ବର୍ଷା କାରଣରୁ ଚା ପତି ଉତ୍ପାଦନ ୩୭ ପ୍ରତିଶତ ହ୍ରାସ ହୋଇପାରେ । ଯାହା ପ୍ରାୟ ୮୭୮ ହଜାର ଟନ ହୋଇପାରେ ।ଲକଡାଉନ ସମୟରେ ୨୦୨୦ ମାର୍ଚ୍ଚରୁ ମଇ ମାସ ମଧ୍ୟରେ ଚା ପତି ଉତ୍ପାଦନ ଉପରେ ଗଭୀର ପ୍ରଭାବ ପଡ଼ିଛି । ଏହା ଦ୍ୱାରା ସାରା ଦେଶରେ ଟି ଗାର୍ଡ଼ନ ଏବଂ ମେନୁଫ୍ୟାକଚରିଙ୍ଗରେ ହ୍ରାସ ଘଟିଛି । ମାର୍ଚ୍ଚ ମାସରେ ୪୧.୪ ପ୍ରତିଶତ ଉତ୍ପାଦନ ହ୍ରାସ ପାଇଛି । ଅପ୍ରେଲରେ ୫୩.୮ ପ୍ରତିଶତର ଭାରି ହ୍ରାସ ହୋଇଛି । ମଇ ମାସରେ ୨୮.୩ ପ୍ରତିଶତ ଜୁନରେ ୮ ପ୍ରତିଶତ ହ୍ରାସ ହୋଇଛି ।

ସୂଚନା ମୁତାବକ ମଇ ମାସରେ ଗୌହାଟିରେ ଚା ପତି ମୂଲ୍ୟ ୫୨ ପ୍ରତିଶତ ବଢି କିଲୋପ୍ରତି ୨୧୭ ଟଙ୍କା ହୋଇ ଯାଇଥିଲା । ଅଗଷ୍ଟ ମାସରେ ୪୦ରୁ ୬୦ ପ୍ରତିଶତ ବଢିଥିଲା । ଏଥିରୁ ଅନୁମାନ କରାଯାଉଛିଯେ ଆସନ୍ତା ମାସରେ ଏହାର ଦରଦାମ ବଢିପାରେ । ଯାହା ଖୁବ ମହଙ୍ଗାର ରୂପ ନେବ ।ଜାନୁୟାରୀରୁ ଜୁନ ମାସ ମଧ୍ୟରେ ଉତ୍ପାଦନ ୨୬ ପ୍ରତିଶତକୁ କମ ପ୍ରାୟ ୩୪୮.୨ ହଜାର ଟନ ହୋଇଛି । ଲକଡାଉନ ଖୋଲିବା ପରେ ଟି ଇଣ୍ଡଷ୍ଟ୍ରି ଏହି ସଙ୍କଟରୁ ବଞ୍ଚିବାକୁ ଚେଷ୍ଟା କରୁଥିଲା । ସେହି ସମୟରେ କାଳ ସାଜିଲା ବର୍ଷା । ଚା ଉତ୍ପାଦନ କରୁଥିବା ପ୍ରମୁଖ ରାଜ୍ୟ ଯେପରି ଆସାମ ଆଦି ରାଜ୍ୟରେ ପ୍ରଚୁର ବର୍ଷା ଏବଂ ବାତ୍ୟା ସମସ୍ୟା ସୃଷ୍ଟି କଲା । ଆସାମରେ ମଇ, ଜୁନ ଏବଂ ଜୁଲାଇରେ ଖୁବ ବର୍ଷା ହୋଇଥିଲା । ଅଧିକ ଚା ଉତ୍ପାଦନ ଜୁଲାଇ ମାସରେ ହୋଇଥାଏ । ଚା’ର ଗୁଣବତ୍ତା ମଧ୍ୟ ଖୁବ ଭଲ ରହିଥାଏ । ଚଳିତ ମାସରେ ବର୍ଷା ଯୋଗୁଁ ଡିବ୍ରୁଗଡ଼,ଜୋରହଟ ଓ ଗୋଲାଘାଟ ଜିଲ୍ଲାରେ ଖୁବ ବର୍ଷା ହୋଇ ଚା ଗଛ ନଷ୍ଟ ହୋଇଯାଇଛି । ଭାରତର ୫୦ ପ୍ରତିଶତ ଚା ପତି ଉତ୍ପାଦନ ଆସାମରୁ ହୋଇଥାଏ । କିନ୍ତୁ ଆସାମରେ ୪୦ ପ୍ରତିଶତ ଉତ୍ପାଦନ କମିଛି ।