ଗତକାଲି ସେୟାର ମାର୍କେଟ ଧରାଶାୟୀ ହେବା ପରେ ଆଜି ଏଥିରେ ସୁଧାର ଆସିଛି। ସେନସେକ୍ସ ୧୧୦୦ ପଏଣ୍ଟରୁ ଅଧିକ ଓ ନିଫଟି ପ୍ରାୟ ୩ ଶହ ପଏଣ୍ଟ ବଢ଼ିଛି। ଏହା ନିବେଶକଙ୍କୁ ଆଶ୍ଵସ୍ତ କରିଛି । ଗତକାଲି ମାର୍କେଟ କ୍ରାସ ହେବା ପରେ ଆଜି କଣ ସ୍ଥିତି ରହିବ ବୋଲି ସମସ୍ତେ ଆଶଙ୍କାରେ ଥିଲେ। ତେବେ ଆଜି ସ୍ଥିତି ସୁଧୁରିଛି। ଏସିଆର ଅନ୍ଯ ମାର୍କେଟରେ ମଧ୍ୟ ସୁଧାର ଆସିଛି। ଜାପାନ, ଚୀନ, ସିଙ୍ଗାପୁର, ହଂକଂ ପରି ମାର୍କେଟ ପଜିଟିଭରେ ଖୋଲିଥିଲା। ଅର୍ଥାତ ଗତକାଲି ଅପେକ୍ଷା ମାର୍କେଟ ଉପରକୁ ଉଠିଛି। ଟ୍ରମ୍ପଙ୍କ ଟାରିଫ୍ ଟେରର୍ ପାଇଁ ଗତକାଲି ସବୁ ମାର୍କେଟ ଧରାଶାୟୀ ହୋଇଥିଲା। ସେପଟେ ଆଜି ଚୀନକୁ ପୁଣି ଧମକ ଦେଇଛନ୍ତି ଟ୍ରମ୍ପ। ଆହୁରି ୫୦ ପ୍ରତିଶତ ଟାରିଫ ଲଗାଇବାକୁ ସେ ଧମକ ଦେଇଛନ୍ତି । ଆମେରିକା ଉପରେ ଚୀନ ୩୪ ପ୍ରତିଶତ ଟାରିଫ ଲଗାଇଥିବାରୁ ଟ୍ରମ୍ପ ଏପରି ଧମକ ଦେଇଛନ୍ତି।
