ଡାକ୍ତରଖାନାରେ ଅକ୍ସିଜେନ ନାହିଁ, ରୋଗୀ ମରିଯିବେ କହି କାନ୍ଦିପକାଇଲେ ଡାକ୍ତର

ନୂଆଦିଲ୍ଲୀ: ରାଜଧାନୀ ଦିଲ୍ଲୀରେ କରୋନାକୁ ନେଇ କଣ ସ୍ଥିତି ରହିଛି ତାହା ଆପଣ ଏହି ଭିଡିଓ ଦେଖିଲେ ଜାଣିପାରିବେ । ଦିଲ୍ଲୀର ଡାକ୍ତରଖାନା ପକ୍ଷରୁ ଅମ୍ଲଜାନର ଅଭାବ, ଷ୍ଟକ୍ କମ ଥିବା କାରଣ ଦର୍ଶାଯାଉଛି । ତେବେ ଦିଲ୍ଲୀରେ କରୋନା ମହାମାରୀ ଯୋଗୁଁ ଆବସ୍ଥା କେତେ ସଙ୍ଗୀନ ରହିଛି ତାହା ଆପଣ ଜଣେ ଡାକ୍ତରଙ୍କ କଥା ଶୁଣି ଜାଣଇପାରିବେ । ଦିଲ୍ଲୀରେ ଅକ୍ସିଜେନ ଅଭାବରୁ ମୃତ୍ୟୁ ବରଣ କରୁଥିବା ରୋଗୀଙ୍କ ସଂପର୍କରେ ସୂଚନା ଦେଇ କାନ୍ଦି ପକାଇଥିବା ଦେଖିବାକୁ ମିଳିଛି ।

ଅକ୍ସିଜେନ ଜନିତ ଅଭାବ ସଂପର୍କରେ କହି କାନ୍ଦି ପକାଇଲେ ଡାକ୍ତର

ଦିଲ୍ଲୀର ଶାନ୍ତି କୁଞ୍ଜ ହସ୍ପିଟାଲର ସିଇଓ ସୁନୀଲ ସାଗର ଡାକ୍ତରଖାନରେ ଅକ୍ସିଜେନର ଅଭାବ ସଂପର୍କରେ କହି କାନ୍ଧି ପକାଇଲେ । ସ୍ଥିତି ଖୁବ ସଙ୍ଗିନ ଥିବା ସେ କହିଛନ୍ତି । ତାଙ୍କ ପାଖରେ ଖୁବ କମ ଅମ୍ଲଜାନ ସିଲିଣ୍ଡର ଉପଲବ୍ଧ ଥିବା ସେ କହିଛନ୍ତି । ମାତ୍ର ଦୁଇ ଘଣ୍ଟାର ଅକ୍ସିଜେନ ଥିବା ସିଇଓ ସୁନୀଲ ସୂଚନା ଦେଇଛନ୍ତି ।

ଦିଲ୍ଲୀର ଶାନ୍ତି ମୁକୁନ୍ଦ ହସ୍ପିଟାଲରେ ଅମ୍ନଜାନର ଘୋର ଅଭାବ ରହିଛି । ଡାକ୍ତରଙ୍କ କହିବା ଅନୁଯାୟୀ ଠିକ ସମୟରେ ଅମ୍ଲଜାନ ମିଳିଲେ ରୋଗୀଙ୍କୁ ଛାଡିବୁ ନାହିଁ । ଅନ୍ୟପଟେ ରୋଗୀଙ୍କ ସଂପର୍କୀୟ ମାନେ ଅକ୍ସିଜେନ ଯୋଗାଇ ଦେବା ପାଇଁ ସରକାରଙ୍କୁ ଅନୁରୋଧ କରିଛନ୍ତି ।