ମୌସୁମୀ ଅଧିବେଶନରେ ଦୁର୍ବ୍ୟବହାର; ଶାନ୍ତନୁ ସେନ୍ ସସପେଣ୍ଡ

ନୂଆଦିଲ୍ଲୀ: ସଂସଦର ମୌସୁମୀ ଅଧିବେଶରୁ ସସପେଣ୍ଡ ହେଲେ ଟିଏମ୍‌ସି ରାଜ୍ୟସଭା ସଦସ୍ୟ ଶାନ୍ତନୁ ସେନ୍ । IT ମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କଠାରୁ କାଗଜ ଛଡ଼ାଇ ଚିରି ଦେବା ଘଟଣାରେ ଶାନ୍ତନୁଙ୍କୁ ସସପେଣ୍ଡ କରାଯାଇଛି। ପେଗାସସ୍ ସ୍ପାଏ ହ୍ୟାକିଂକୁ ନେଇ ଗତକାଲି IT ମନ୍ତ୍ରୀ ଅଶ୍ୱିନୀ ବୈଷ୍ଣବ ଗୃହରେ ବିବୃତି ରଖୁଥିବା ବେଳେ ଶାନ୍ତନୁ ତାଙ୍କ ହାତରୁ କାଗଜ ଛଡ଼ାଇ ଚିରି ଦେଇଥିଲେ।

ଏହାପରେ ଶାନ୍ତନୁଙ୍କୁ ଗୃହରୁ ସସପେଣ୍ଡ କରିବା ପାଇଁ ବିଜେପି ଦାବି କରିଥିଲା। ସୂଚନା ଅନୁଯାୟୀ, ଚଳିତ ମୌସୁମୀ ଅଧିବେଶନର ସମସ୍ତ କାର୍ଯ୍ୟ ଦିବସରୁ ଶାନ୍ତନୁଙ୍କୁ ନିଲମ୍ବିତ କରାଯାଇଛି।

ରାଜ୍ୟସଭାରେ ସଞ୍ଚାର ମନ୍ତ୍ରୀ ଅଶ୍ୱିନୀ ବୈଷ୍ଣବ ପେଗାସସ୍ ମାମଲାରେ ବୟାନ୍ ଦେବା ପୂର୍ବରୁ ତାଙ୍କ ହାତରୁ କାଗଜ ଛଡାଇ ଉପସଭାପତିଙ୍କ ଆଡକୁ ଫୋପାଡିଛନ୍ତି ଟିଏମସି ସାଂସଦ ଶାନ୍ତନୁ ସେନ୍ । ଯାହାକୁ ନେଇ କ୍ଷୋଭ ପ୍ରକାଶ କରିଛନ୍ତି କେନ୍ଦ୍ର ମନ୍ତ୍ରୀ ହରଦୀପ ସିଂହ ପୁରୀ।

ଅଧିକ ପଢନ୍ତୁ- ରାଜ୍ୟସଭାରେ ହାଇଡ୍ରାମା; ଅଶ୍ୱିନୀ ବୈଷ୍ଣବଙ୍କ ହାତରୁ ବୟାନ୍ କପି ଛଡାଇ ନେଲେ ଟିଏମସି ସାଂସଦ