ମହାରାଷ୍ଟ୍ର ରାଜନୀତିରେ ହଟଚମଟ; ପଦାରେ ପଡିଲା ମହାରାଷ୍ଟ୍ର ମହାୟୁତିରେ କଳି

ନନ୍ଦିଘୋଷ ବ୍ୟୁରୋ: ମହାରାଷ୍ଟ୍ର ବିଧାନସଭା ନିର୍ବାଚନ। ପଦାରେ ପଡିଲା ବିଜେପି, ଶିବସେନା ଓ ଏନସିପି ମଧ୍ଯରେ ଫାଟ। ବିଜେପିରୁ ଟିକେଟ ପାଇବାର କିଛି ଘଣ୍ଟା ପରେ ଶିବସେନାରେ ସାମିଲ ହୋଇ ଟିକେଟ ପାଇଛନ୍ତି ଜଣେ ପ୍ରାର୍ଥୀ। ଏବେ ଶିବସେନା ପ୍ରାର୍ଥୀ ସାଇନା ଏନସିଙ୍କୁ ନେଇ ଚାଲିଛି ଚର୍ଚ୍ଚା। ମୁମ୍ବାଇ ଅନ୍ତର୍ଗତ ମୁମ୍ବାଇଦେବୀ ବିଧାନସଭା ଆସନରୁ ସାଇନାଙ୍କୁ ବିଜେପି ପକ୍ଷରୁ ଟିକେଟ ଦିଆଯାଇଥିଲା। ସେ ଜଣେ ଫ୍ଯାସନ ଡିଜାଇନର। ସେ ଓରଲି ଆସନ ଲାଗି ଆଶାୟୀ ଥିଲେ। ମାତ୍ର ତାଙ୍କୁ ଟିକେଟ ନଦେଇ ରାଜ୍ଯସଭା ସାଂସଦ ମିଲିନ୍ଦ ଦେଓରାଙ୍କୁ ଟିକେଟ ଦେଇଥିଲା ବିଜେପି।

ମୁମ୍ବାଇଦେବୀ ଆସନ ଲାଗି ସାଇନାଙ୍କୁ ବିଜେପି ଟିକେଟ ଦେଇଥିଲା। ମାତ୍ର ବିଜେପି ଟିକେଟ ପାଇବା ପରେ ସେ ଏକନାଥ ସିନ୍ଦେଙ୍କ ଉପସ୍ଥିତିରେ ଶିବସେନାରେ ସାମିଲ ହୋଇ ଟିକେଟ ହାତେଇଥିଲେ। ସେହିପରି କନ୍ନାଦ ଆସନରେ ବି ସଞ୍ଜନା ଯାଦବ ପ୍ରଥମେ ବିଜେପି ଟିକେଟ ପାଇଥିଲେ ବି ଶିବସେନାରେ ସାମିଲ ହୋଇ ଟିକେଟ ପାଇଥିଲେ।