ଆଜି ମଧ୍ୟ ଆର୍ୟନଙ୍କୁ ଜାମିନ୍ ମିଳିବନି ବୋଲି ଭାବୁଛନ୍ତି ଶାହରୁଖ

ମୁମ୍ବାଇ: କ୍ରୁଜ୍ ପାର୍ଟି ଡ୍ରଗ୍ସ ମାମଲାରେ ଫସିଥିବା କିଙ୍ଗ ଖାନଙ୍କ ପୁଅ ଆର୍ୟନ ଖାନଙ୍କ ଜାମିନି ଆଜି ଶୁଣାଣି ହେଉଛି । ଏହି ମାମଲା ଲଢ଼ିବା ପାଇଁ ଶାହାରୁଖ ଆଜି ଜଣେ ନୂଆ ଓକିଲ ମୁକୁଲ ରୋହତଗୀଙ୍କୁ ସେବେ ନେଇଛନ୍ତି । ଯିଏକି ଭାରତର ଆଟର୍ଣ୍ଣି ଜେନେରାଲ ଥିଲେ । ମୁକୁଲଙ୍କ ସହ ଅମିତ ଦେଶାଇ ଓ ସତୀଷ ମନସିନ୍ଧେ ମଧ୍ୟ କୋର୍ଟରେ ରହିବେ । ଅପରପକ୍ଷେ ଏନସିବି ଏହି ମାମଲାରେ ଆରୟନ ଖାନଙ୍କ ଜାମିନ ଆବେଦନ ଖାରଜ କରିବାକୁ ଚେଷ୍ଟା କରିବ । ସୂଚନାଯୋଗ୍ୟ ଯେ, ରୋହତଗୀ କୋର୍ଟରେ ଉପସ୍ଥିତ ହେବା ପାଇଁ ଦୈନିକ ୧୦ ଲକ୍ଷ ଟଙ୍କା ଫିସ୍ ନିଅନ୍ତି ।

ତେବେ ଏସବୁ ଭିତରେ ଖାନ ପରିବାରର ଜଣେ ଘନିଷ୍ଠ ବନ୍ଧୁ କହିଛନ୍ତି କି ଆଜି ମଧ୍ୟ ଆରୟନଙ୍କୁ ବେଲ ମିଳି ପାରିବ ନାହିଁ ବୋଲି ଭାବୁଛନ୍ତି ଶାହାରୁଖ ଓ ଗୌରୀ ଖାନ । ଯାହା ଫଳରେ ଶାହାରୁଖଙ୍କ ବାସଭବନ ମନ୍ନତର ସ୍ଥିତି ମଧ୍ୟ ଏବେ ଠିକ୍ ନଥିବା କହିଛନ୍ତି ଶାହାରୁଖଙ୍କ ବନ୍ଧୁ । ଏହି ମାମଲାରେ ଆର୍ୟନଙ୍କୁ ଆଉ କିଛି ଦିନ ଜେଲରେ ରହିବାକୁ ପଡ଼ିପାରେ ବୋଲି ମଧ୍ୟ ଆଶଙ୍କା କରିଛନ୍ତି ଖାନ ପରିବାର । ଏସବୁ ଭିତରେ କିଙ୍ଗ ଖାନ ପୁଅକୁ ଜେଲରୁ ମୁକୁଳାଇବା ପାଇଁ ସମସ୍ତ ଚେଷ୍ଟା ଜାରି ରଖିଛନ୍ତି । ଆର୍ୟନ ଖୁବ୍ ଶୀଘ୍ର ଜେଲରୁ ମୁକୁଳିବେ ବୋଲି ମଧ୍ୟ ଆଶା ରଖିଛନ୍ତି ଖାନ ପରିବାର । ଅନ୍ୟପଟେ ଶାହାରୁଖ ଆରୟନଙ୍କ ପାଇଁ ଚଳିତ ବର୍ଷ ତାଙ୍କ ବିବାହ ବାର୍ଷିକ ମଧ୍ୟ ପାଳନ କରିନାହାନ୍ତି । ତାଙ୍କ ବନ୍ଧୁ କହିଥିଲେ କି ଶାହାରୁଖ ପ୍ରତିବର୍ଷ ଗୌରୀଙ୍କ ପାଇଁ କିଛି ସ୍ବତନ୍ତ୍ର ଉପହାର କିଣୁଥିଲେ । କିନ୍ତୁ ଚଳିତ ବର୍ଷ ଏପରି କିଛି କରିନାହାନ୍ତି ଶାହାରୁଖ ।

ଏଥିସହିତ ପଢ଼ନ୍ତୁ: ସାମ୍ନାକୁ ଆସିଲା ଅନନ୍ୟା- ଆର୍ଯ୍ୟନ ହ୍ୱାଟସ୍‌ଆପ୍ ଚାଟ୍: ୮୦ ହଜାର ଟଙ୍କାର କୋକେନ୍ ମାଗିଥିଲେ ଅନନ୍ୟା