ମହଙ୍ଗା ପଡିଲା ବିଜେପି ସହ ମେଣ୍ଟ; ଦଳ ଛାଡିଲେ ସାହିଦ ସିଦ୍ଦିକ

ନୂଆଦିଲ୍ଲୀ: ମହଙ୍ଗା ପଡିଲା ବିଜେପି ସହ ମେଣ୍ଟ। ରାଷ୍ଟ୍ରୀୟ ଲୋକ ଦଳ ଛାଡ଼ିଲେ ଜାତୀୟ ଉପସଭାପତି ସାହିଦ ସିଦ୍ଦିକ। ଆସନ୍ତା ଲୋକସଭା ନିର୍ବାଚନରେ ଏନଡିଏ ମେଣ୍ଟରେ ସାମିଲ ହେବା ଲାଗି ଆରଏଲଡି ନେତା ଜୟନ୍ତ ଚୌଧୁରୀ ଘୋଷଣା କରିବା ପ୍ରତିବାଦରେ ଦଳ ଛାଡିଛନ୍ତି ସାହିଦ।

ସାହିଦ କହିଛନ୍ତି ଯେ, ସେ ଓ ତାଙ୍କ ପରିବାର ଇନ୍ଦିରା ଗାନ୍ଧୀଙ୍କ ଜରୁରୀକାଳୀନ ପରିସ୍ଥିତି ବିରୋଧରେ ଲଢେଇ କରିଥିଲେ। ବର୍ତ୍ତମାନ ଯାହା ଚାଲିଛି ତାହାକୁ ସେ ବିରୋଧ କରୁଛନ୍ତି। ବର୍ତ୍ତମାନ ଗଣତନ୍ତ୍ର ଉପରେ ହମଲା ଚାଲିଛି। ମୁଖ୍ଯମନ୍ତ୍ରୀଙ୍କୁ ଜେଲରେ ପୂରାଯାଉଛି। ଦେଶର ସମସ୍ତ ବ୍ଯବସ୍ଥା ଉପରେ ଆକ୍ରମଣ କରାଯାଉଛି। ଜେଜେ ତଥା ପୂର୍ବତନ ପ୍ରଧାନମନ୍ତ୍ରୀ ଚୌଧୁରୀ ଚରଣ ସିଂଙ୍କୁ ଭାରତ ରତ୍ନ ସମ୍ମାନ ପ୍ରଦାନ କରିବା ପରେ ଏନଡିଏରେ ସାମିଲ ହୋଇଥିଲେ ଜୟନ୍ତ ଚୌଧୁରୀ।