ରିଲିଜ ପୂର୍ବରୁ ବକ୍ସ ଅଫିସରେ ପଠାନ କ୍ରେଜ୍, ପ୍ରି-ବୁକିଂରେ ୯ କୋଟିର ବିଜନେସ୍

ମୁମ୍ବାଇ: ରିଲିଜ ପୂର୍ବରୁ ବକ୍ସ ଅଫିସରେ ପଠାନ କ୍ରେଜ୍ । ପ୍ରାୟ ୪ ବର୍ଷ ଧରି ବଡ଼ ସ୍କ୍ରିନରୁ ଦୂରରେ ରହିଥିବା କିଙ୍ଗ ଖାନଙ୍କ ଫିଲ୍ମ ପଠାନକୁ ନେଇ ଫ୍ୟାନଙ୍କ ମଧ୍ୟରେ ଅନେକ ଉତ୍ସାହ । ତମାମ ବିରୋଧ ସତ୍ତ୍ବେ ପଠାନ ଫିଲ୍ମକୁ ଅତି ଉତ୍ସାହର ସହ ଅପେକ୍ଷା କରିଛନ୍ତି ପ୍ରଶଂସକ । ପ୍ରି-ବୁକିଂରେ ୯ କୋଟି ଟଙ୍କାର ବିଜନେସ କରିଛି ଶାହରୁଖଙ୍କ ଫିଲ୍ମ । ଅନଲାଇନରେ ଟିକେଟ ବୁକିଂ ଆରମ୍ଭ ହୋଇଯାଇଥିବା ବେଳେ ଆଡଭାନ୍ସ ବୁକିଂରେ ୧ ଲକ୍ଷ ୧୭ ହଜାର ଟିକେଟ ବୁକ୍ ହୋଇଛି । ଇଣ୍ଡିଆନ ବକ୍ସ ଅଫିସ ଏନେଇ ଟୁଇଟ କରିଛି ।

ମଲ୍ଟିପ୍ଲେକ୍ସ ଚେନ୍ସରେ ୧ ଲକ୍ଷ ୧୭ ହଜାର ଟିକେଟ ବିକ୍ରି କରି ନୂଆ ରେକର୍ଡ ସୃଷ୍ଟି କରିଛି ପଠାନ । ପିଭିଆର୍ ୫୧ ହଜାର ଟିକେଟ ବିକ୍ରି କରିଥିବା ବେଳେ INOX ୩୮ ହଜାର ୫ ଶହ ଓ ସିନୋପଲିସ ୨୭ ହଜାର ୫ ଶହ ଟିକେଟ ବିକ୍ରି କରିଛି ବୋଲି ସିନେ ସମୀକ୍ଷକ ତରଣ ଆଦର୍ଶ କହିଛନ୍ତି । ଶାହାରୁଖ ଖାନ୍, ଦୀପିକା ପାଦୁକୋନ ଓ ଜନ୍ ଇବ୍ରେହିମଙ୍କ ଅଭିନୀତ ପଠାନ ଫିଲ୍ମ ଆସନ୍ତା ୨୫ ତାରିଖରେ ବଡ଼ ପରଦାରେ ରିଲିଜ ହେବ । ଆଶୁତୋଷ ରାଣାଙ୍କୁ ମଧ୍ୟ ଫିଲ୍ମରେ ଏକ ଗୁରୁତ୍ବପୂର୍ଣ୍ଣ ଭୂମିକାରେ ଦେଖିବାକୁ ମିଳିବ ।