ସେକ୍ସ ରାକେଟ୍ ଅଭିଯୋଗରେ ଶାରୀରିକ ଭିନ୍ନକ୍ଷମ ତାଲିମ୍ କେନ୍ଦ୍ର ହେବ ସିଜ୍
ଭୁବନେଶ୍ୱର: ସିଜ୍ ହେବ ଭୁବନେଶ୍ୱର ପଳାଶପଲ୍ଲୀସ୍ଥିତ ଭିନ୍ନକ୍ଷମ ତାଲିମ କେନ୍ଦ୍ର । ସେକ୍ସ ରାକେଟ୍ ଅଭିଯୋଗ ନେଇ ନିଖିଳ ଉତ୍କଳ ଶାରୀରିକ ଭିନ୍ନକ୍ଷମ ମହାସଂଘରେ ହେବ ଅଧିକ ଖୋଳତାଡ । କାଗଜପତ୍ର ଯାଞ୍ଚ କରିବ ଜିଲ୍ଲା ପ୍ରଶାସନ । ଏନେଇ ଭୁବନେଶ୍ୱର ଉପଜିଲ୍ଲାପାଳଙ୍କୁ ଖୋର୍ଦ୍ଧା ଜିଲ୍ଲାପାଳ ନିର୍ଦ୍ଦେଶ ଦେଇଛନ୍ତି । ମାଜିଷ୍ଟ୍ରେଟ୍ ଓ ପୋଲିସ ଉପସ୍ଥିତିରେ ଯାଞ୍ଚ କରାଯିବ । ଆଲମିରା ଭାଙ୍ଗି କାଗଜପତ୍ର ଜବତ କରିବ ପ୍ରଶାସନ ।
ଭୁବନେଶ୍ୱର ପଲାଶପଲ୍ଲୀସ୍ଥିତ ଭିନ୍ନକ୍ଷମ ତାଲିମ କେନ୍ଦ୍ରରେ ନିଯୁକ୍ତି ଆଳରେ ଦେହ ବ୍ୟବସାୟ ଚାଲିଥିବା ଖବର ଦେଖାଇଥିଲା ନନ୍ଦିଘୋଷ ଟିଭି । ସେକ୍ସ ରାକେଟ ସହ ଝିଅ ଚାଲାଣ ମାମଲାରେ ଏବେ ସୁଦ୍ଧା ୭ଜଣ ଗିରଫ ହୋଇଛନ୍ତି । ନିଖିଳ ଉତ୍କଳ ଶାରୀରିକ ଭିନ୍ନକ୍ଷମ ମହାସଂଘର ସଂପାଦକ ସେକ୍ସ ରାକେଟ ଚଲାଇଥିବା ବେଳେ ସରକାରୀ ବାବୁ ଗ୍ରାହକ ହୋଇ ଆସୁଥିବା ପୋଲିସ ହାତରେ ପ୍ରମାଣ ରହିଛି । ଅନୁଷ୍ଠାନର ସମ୍ପାଦକ ସୁରେଶ ବେହରା ସରକାରୀ ବାବୁଙ୍କୁ ଝିଅ ଉପହାର ଦେଉଥିବା ଅଭିଯୋଗ ହୋଇଥିଲା । ତେବେ କେଉଁ ଫାଇଲ ହେରଫେର କରିବା ପାଇଁ ଷଡଯନ୍ତ୍ର ଚାଲିଥିଲା ତା’ର ଖୋଳତାଡ଼ କରିବ ଜିଲ୍ଲା ପ୍ରଶାସନ । ତାଲିମ କେନ୍ଦ୍ର ନାଁରେ କେତେ ଟଙ୍କା ଆତ୍ମସାତ ହୋଇଛି, ପ୍ରଶାସନ ତା’ର ତଦନ୍ତ କରିବ ।
