ବେଜିଂ: ଚୀନରେ କରୋନା ଭାଇରସରେ ସଂକ୍ରମିତଙ୍କ ଠାରେ ଗମ୍ଭୀର ଲକ୍ଷଣ ଦେଇଖିବାକୁ ମିଳିଛି । ଏହି ନୂତନ ରୋଗୀମାନଙ୍କ ମଧ୍ୟରେ କରୋନାର ଭିନ୍ନତା ଦେଖିବାକୁ ମିଳିଛି । ଏବଂ ଏଥିରୁ ସ୍ପଷ୍ଟ ହେଉଛି ଯେ, ଭାଇରସ୍ କ୍ରମାଗତ ଭାବରେ ନିଜକୁ ପରିବର୍ତ୍ତନ କରୁଛି । ଏହି ନୂତନ ରୋଗୀମାନେ ସୁସ୍ଥ ହେବା ପାଇଁ ଅଧିକ ସମୟ ନେଉଛନ୍ତି ଏବଂ ସେମାନଙ୍କ ଠାରେ ଦୀର୍ଘ ସମୟ ଧରି କରୋନା ଭାଇରସ୍ ବଞ୍ଚି ରହୁଛି ।
ଏନେଇ ଜଣେ ଡାକ୍ତର କହିଛନ୍ତି ଯେ ଦୀର୍ଘ ଦିନ ଧରି ଚୀନ୍ର ଜିଲିନ୍ ଏବଂ ହିଲୋଙ୍ଗଜିଆଙ୍ଗ ଅଞ୍ଚଳରେ ରୋଗୀମାନଙ୍କଠାରେ କରୋନା ଭାଇରସ୍ ରହୁଛି । କେବଳ ଏତିକି ନୁହେଁ, ଏହି ନୂତନ ରୋଗୀମାନେ ଉହାନରେ ସଂକ୍ରମିତମାନେ ସୁସ୍ଥ ହେବା ପାଇଁ ଯେତିକି ସମୟ ନେଇଥିଲେ ତାଙ୍କଠାରୁ ଅଧିକ ସମୟ ଏମାନେ ନେଉଛନ୍ତି । ଜାତୀୟ ସ୍ୱାସ୍ଥ୍ୟ ଆୟୋଗ ବିଶେଷଜ୍ଞ ଗୋଷ୍ଠୀର ସଦସ୍ୟ କ୍ୟୁ ହେଡବୋ କହିଛନ୍ତି ଯେ ରୋଗୀମାନଙ୍କଠାରେ ଜ୍ୱରର ଲକ୍ଷଣ ବହୁତ କମ୍ ରହୁଛି । ଏହି ଭାଇରସ୍ ଅନେକ ଅଙ୍ଗ ଅପେକ୍ଷା ଫୁସଫୁସରେ ଅଧିକ କ୍ଷତି ଘଟାଉଛି ।
ମହାମାରୀ ରିଟର୍ଣ୍ଣ କରିବା ପରେ ବିପଦ ବଢିଛି ! ମହାମାରୀର ଦ୍ୱିତୀୟ ୱେଭ୍ ଆସିଥିବାର କୁହାଯାଉଛି…
ଗତ କିଛି ଦିନ ତଳେ ଚୀନ୍ରେ କରୋନା ଭାଇରସର ଦୁଇଟି ମାମଲା ସାମ୍ନାକୁ ଆସିବା ପରେ ମହାମାରୀର ଦ୍ୱିତୀୟ ୱେଭ୍ ହେବାର ଆଶଙ୍କା ଥିବାର ଜଣାପଡ଼ିଛି । ଏହାସହ ସେ କହିଛନ୍ତି ଯେ, ଏହି ଅଞ୍ଚଳର ରୋଗୀମାନେ ଉହାନ ଅପେକ୍ଷା ସୁସ୍ଥ ହେବାକୁ ଅଧିକ ସମୟ ନେଉଛନ୍ତି । ଏହା ଜଣେ ରୋଗୀଙ୍କଠାରୁ ଅନ୍ୟ ଜଣକୁ ସଂକ୍ରମିତ କରିବାର ଆଶଙ୍କା ମଧ୍ୟ ବଢାଇଦେଇଛି । ଏମିତି ପରିସ୍ଥିତିରେ ସଂକ୍ରମିତମାନେ ତାଙ୍କ ପରିବାର ସହିତ ରହି ନିଜର ଯତ୍ନ ନେଇ ପାରୁନାହାଁନ୍ତି । ଯାହା ପୂରା ପରିବାରରେ କରୋନା ସଂକ୍ରମିତ କରିଥାଏ ।
ଲସ୍ ଏଲମୋସ୍ ନ୍ୟାସନାଲ୍ ଲାବ୍ରୋଟୋରୀ ଅନୁଯାୟୀ, ଗୋଟିଏ ପ୍ରଜାତିର ଭାଇରସ୍ ଅଧିକ ସଂକ୍ରମିତ ହୋଇପାରେ। ଅନ୍ୟପକ୍ଷରେ, ବ୍ରିଟେନର ଏକ ବିଶ୍ୱବିଦ୍ୟାଳୟର ବୈଜ୍ଞାନିକମାନଙ୍କ ଦ୍ୱାରା କରାଯାଇଥିବା ଅନ୍ୟ ଏକ ଅଧ୍ୟୟନରୁ ଜଣାପଡିଛି ଯେ ଭାଇରସ୍ ପରିବର୍ତ୍ତନ ହେଉଛି କିନ୍ତୁ ଏହା ଅନ୍ୟ ପ୍ରଜାତିର ଭାଇରସର ଲକ୍ଷଣ ନୁହେଁ । ସଂକ୍ରାମକ ରୋଗ ବିଶେଷଜ୍ଞ ଜୋନାଥନ ଷ୍ଟୋଏ ଚେତାବନୀ ଦେଇଛନ୍ତି ଯେ ଏହି ଭାଇରସ୍ କ୍ରମାଗତ ଭାବରେ ନିଜର ରୂପ ପରିବର୍ତ୍ତନ କରୁଛି । ତେଣୁ ଏହାର ପରିଣାମ କ’ଣ ହେବ ତାହା ଆମକୁ ଜାଣାନାହିଁ ।
ଚାଇନାରେ କରୋନାର ୧୬ଟି ନୂଆ ମାମଲା
ଚାଇନାରେ କରୋନା ସଂକ୍ରମଣର ୧୬ଟି ନୂଆ ମାମଲା ଆସିଛି , ସେଥିମଧ୍ୟରୁ ୧୫ଟି ଚିକିତ୍ସା ହୋଇନଥିବା ରୋଗ କେନ୍ଦ୍ରସ୍ଥଳ ଉହାନରୁ ଆସିଛି । ସ୍ୱାସ୍ଥ୍ୟ ଅଧିକାରୀ ବୁଧବାର କହିଛନ୍ତି ଯେ ଉହାନରେ ସମୁଦାୟ ୧.୧୨ କୋଟି ଜନସଂଖ୍ୟାରେ କରୋନା ଭାଇରସର ଅନୁସନ୍ଧାନ କରାଯାଉଛି ଏବଂ ଏହି ପ୍ରକ୍ରିୟାରେ ନୂତନ ମାମଲା ରୁଜୁ ହୋଇଛି । ଚୀନ୍ର ଜାତୀୟ ସ୍ୱାସ୍ଥ୍ୟ ଆୟୋଗ (NHC) କହିଛି ଯେ ମଙ୍ଗଳବାର ଦିନ ପାଞ୍ଚଟି ମାମଲା ଚିହ୍ନଟ ହୋଇଛି ଏବଂ ୧୬ନମ୍ବର ରୋଗୀଠାରେ ଏହି ରୋଗର ଲକ୍ଷଣ ନାହିଁ ।
ଜିଲିନ୍ ପ୍ରଦେଶରେ ସ୍ଥାନୀୟ ଭାବରେ ଚାରିଟି ସଂକ୍ରମଣ ଘଟିଥିଲା । ମଙ୍ଗଳବାର ସୁଦ୍ଧା, ଜିଲିନ୍ ପ୍ରଦେଶରେ ୧୩୩ ସ୍ଥାନୀୟ ସଂକ୍ରମଣ ମାମଲା ରହିଥିଲା, ସେଥିମଧ୍ୟରୁ ଦୁଇଜଣଙ୍କର ମୃତ୍ୟୁ ଘଟିଥିବା ବେଳେ ୧୦୬ ଜଣ ସୁସ୍ଥ ହେବା ପରେ ଡାକ୍ତରଖାନାରୁ ଡିସଚାର୍ଜ ହୋଇଥିଲେ । ସ୍ଥାନୀୟ ସ୍ୱାସ୍ଥ୍ୟ ଆୟୋଗ କହିଛନ୍ତି ଯେ ୨୫ ଜଣ ରୋଗୀ ଏବେବି ଡାକ୍ତରଖାନାରେ ଚିକିତ୍ସିତ ହେଉଛନ୍ତି, ସେଥିମଧ୍ୟରୁ ତିନିଜଣଙ୍କ ଅବସ୍ଥା ଗୁରୁତର ଏବଂ ସମସ୍ତେ ଜିଲିନ୍ ସହରର । ଏଥିସହ ସଂକ୍ରମିତ ଲୋକଙ୍କ ସଂସ୍ପର୍ଶରେ ଆସିଥିବା ୧୧୮୧ ଜଣଙ୍କ ଉପରେ ନଜର ରଖାଯାଇଛି । ମଙ୍ଗଳବାର ଦିନ, କୌଣସି ଲକ୍ଷଣ ନଥିବା ୧୬ଟି ନୂଆ ମାମଲା ରିପୋର୍ଟ ହୋଇଛି, ସେଥିମଧ୍ୟରୁ ୧୫ଟି ଉହାନରୁ ଆସିଛି।
ବିନା ଲକ୍ଷଣ ଥାଇ ୩୬୮ ଲୋକ ସଂକ୍ରମିତ
NHC ରିପୋର୍ଟ କରିଛି ଯେ ଲକ୍ଷଣ ବିନା ୩୬୮ ଜଣଙ୍କ ଉପରେ ନଜର ରଖାଯାଇଛି । କୌଣସି ଲକ୍ଷଣ ନଥିବା ମାମଲା ଅଧିକ ଗୁରୁତର ଭାବରେ ବିବେଚନା କରାଯାଉଛି କାରଣ ବ୍ୟକ୍ତି ସଂକ୍ରମିତ ହୋଇଥିଲେ ମଧ୍ୟ ସେମାନେ ଜ୍ୱର, କାଶ କିମ୍ବା ଗଳାରେ ଜନ୍ତ୍ରଣା ଭଳି କୌଣସି ଲକ୍ଷଣ ଦେଖାଯାଏ ନାହିଁ ଏବଂ ସେମାନେ ଅନ୍ୟମାନଙ୍କୁ ସଂକ୍ରମଣ ବିସ୍ତାର କରିବାକୁ ଅଧିକ ପ୍ରବୃତ୍ତ ହୁଅନ୍ତି । ଏହି ରୋଗରେ ଚାଇନାରେ ୪୬୩୪ ଜଣଙ୍କର ମୃତ୍ୟୁ ହୋଇସାରିଲାଣି ।
ବିଶ୍ୱକୁ କରୋନା ଭାଇରସ୍ରୁ ମୁକ୍ତ କରିବା ପାଇଁ ଚୀନ୍ର ୨ଟି ବଡ଼ ନିଷ୍ପତ୍ତି
