ଉପାନ୍ତରୁ ଉପକୂଳ ସିଭିୟର ହିଟ୍ ୱେଭ ଆଲର୍ଟ, ୩ ଦିନ ପର୍ଯ୍ୟନ୍ତ ତାତିରୁ ମିଳିବନି ନିସ୍ତାର

ଭୁବନେଶ୍ୱର: ପ୍ରଚଣ୍ଡ ତାତିରେ ଜଳୁଛି ଓଡିଶା । ଉପାନ୍ତରୁ ଉପକୂଳ ସିଭିୟର ହିଟ୍ ୱେବ ଆଲର୍ଟ । ୩ ଦିନ ପର୍ଯ୍ୟନ୍ତ ମିଳିବନି ନିସ୍ତାର । ସ୍ବାଭବିକ ଠାରୁ ୪ରୁ ୭ ଡିଗ୍ରୀ ପର୍ଯ୍ୟନ୍ତ ବଢିବ ପାରଦ । ଦିନ ୧୧ରୁ ଅପରାହ୍ନ ୩ଟା ଯାଏଁ ପିକ୍ ଆୱାର ଘୋଷଣା । ଉତ୍ତର ପଶ୍ଚମି ଦିଗରୁ ବହୁଥିବା ଗରମ ଶୁସ୍କ ପବନ ପ୍ରବାହରେ ତାତି ବୃଦ୍ଧି ପାଇଛି । ଗତ କାଲି ତୁଳନାରେ ଆଜି ଦକ୍ଷିଣା ଥଣ୍ଡା ପବନ ଉପକୂଳ ଓଡିଶାକୁ ପ୍ରବାହିତ ହୋଇଥିବାରୁ ତାତି ସାମାନ୍ୟ କମିଛି । ଆସନ୍ତାକାଲି ସିଭିୟର ହିଟ ୱେଭ ପାଇଁ ପଶ୍ଚମ ଓଡିଶାର ୧୦ ଜିଲ୍ଲାକୁ ଅରେଞ୍ଜ ଆଲର୍ଟ ଜାରି କରାଯାଇଥିବା ବେଳେ ଉତ୍ତର ଉପକୂଳ ଓଡିଶାର ୮ ଜିଲ୍ଲା ୟେଲୋ ଆଲର୍ଟ ଜାରି କରିଛି ପାଣିପାଗ କେନ୍ଦ୍ର । ଆସନ୍ତା ୩ ଦିନ ପରେ ୩ରୁ ୫ ଡିଗ୍ରୀ ତାପମାତ୍ରା କମିବ ବୋଲି ଆକଳନ କରାଯାଇଛି ।

ସେପଟେ କଟକ-ଭୁବନେଶ୍ବରରେ ତାତି ଲୋକଙ୍କୁ ଛଟପଟ କରୁଛି । ଅସହ୍ୟ ଗରମ ସାଙ୍ଗକୁ ଗୁଳୁଗୁଳି । କିଏ ମୁଣ୍ଡରେ ଗାମୁଛା ବାନ୍ଧିଛି ତ ଆଉ କିଏ ଗଛ ମୂଳେ ବସିଛନ୍ତି । ଦିନର ଗରମଠୁ ବଳି ଯାଉଛି ରାତିର ତାତି । ଆସନ୍ତା ୨୧ ତାରିଖରେ କାଳବୈଶାଖୀ ବର୍ଷା ସମ୍ଭାବନା । ତା ପରେ ତାତି କମିବା ସହ ପାଗରେ ପରିବର୍ତ୍ତନ ହେବା ନେଇ ଆକଳନ କରାଯାଇଛି । ୨୩ ତାରିଖ ପରେ ଘୂର୍ଣ୍ଣବଳୟ ସୃଷ୍ଟି ହେବାର ସମ୍ଭାବନା ରହିଛି । ପ୍ରଭାବରେ ବର୍ଷା ହେବ ନେଇ ଅନୁମାନ କରାଯାଉଛି । ଯାହାକି ମୌସୁମୀ ବର୍ଷାକୁ ବାଟ କଡେଇ ନେବ । ବାତ୍ୟା ବିପର୍ଯ୍ୟୟ ଯୋଗୁଁ ମୌସୁମୀ ବିଳମ୍ବ ହୋଇଛି ବୋଲି ପାଣିପାଗ ବିଜ୍ଞାନୀ କହିଛନ୍ତି । ସିଭିୟର ହିଟ୍ଓ୍ବେଭ ଏବଂ କାଳବୈଶାଖୀ ନେଇ ପାଣିପାଗ କେନ୍ଦ୍ରର ସତର୍କତା ପରେ ସଂପୃକ୍ତ ଜିଲ୍ଲାର ଜିଲ୍ଲାପାଳଙ୍କୁ ଚିଠି ଲେଖିଛନ୍ତି ଏସଆରସି ।