ନୂଆଦିଲ୍ଲୀ : ଦିଲ୍ଲୀର ବିଭିନ୍ନ ସ୍କୁଲକୁ ପୁଣି ବୋମା ଧମକ। ବୋମା ଧମକ ନେଇ ଇ-ମେଲରେ ଆସିଛି ସୂଚନା। ଚଳିତ ସପ୍ତାହରେ ଦ୍ବିତୀୟ ଥର ଲାଗି ଧମକ ଦିଆଯାଇଛି। କୈଳାସର ଦିଲ୍ଲୀ ପବ୍ଲିକ ସ୍କୁଲ, ସଲୱାନ ସ୍କୁଲ, ମଡର୍ଣ୍ଣ ସ୍କୁଲ ଓ କ୍ଯାମ୍ବ୍ରିଜ ସ୍କୁଲକୁ ଧମକ ଆସିଥିବା ସୂଚନା ମିଳିଛି। ଧମକ ମିଳିବା ପରେ ସର୍ଚ୍ଚ ଅପରେସନ ଜାରି ରହିଛି। ଛାତ୍ରଛାତ୍ରୀଙ୍କୁ ସ୍କୁଲରୁ ଘରକୁ ଫେରାଇଦିଆଯାଇଛି। ଡାର୍କ ୱେବ ଗ୍ରୁପ ପକ୍ଷରୁ ବୋମା ଧମକ ଦିଆଯାଇଥିବା ସୂଚନା ମିଳିଛି। କିଛି ଦିନ ଧରି ଦିଲ୍ଲୀର ବହୁ ସ୍କୁଲକୁ ବାରମ୍ବାର ବୋମା ଧମକ ସଂକ୍ରାନ୍ତ ମେଲ୍ ଆସିବାରେ ଲାଗିଛି।
