କାମ କଲାନି ବିଜେପି ଫର୍ମୁଲା, କେଜ୍ରିୱାଲଙ୍କ ବୖେଠକରେ ସାମିଲ ହେଲେ ୫୦ରୁ ଅଧିକ ବିଧାୟକ

ନୂଆଦିଲ୍ଲୀ: ଦିଲ୍ଲୀ ଉପରୁ ଟଳିଲା ସଙ୍କଟ। ସରକାର ଭାଙ୍ଗିବାକୁ ହୋଇଥିବା ଷଡ଼ଯନ୍ତ୍ର ଫେଲ୍। ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ବାସଭବନରେ ବସିଥିବା ବିଧାୟକ ଦଳ ବୈଠକରେ ସାମିଲ ହେଲେ ୫୪ ବିଧାୟକ। ଏହାସହ ୭ ଜଣ ବିଧାୟକଙ୍କ ସହ ଫୋନ୍ ଯୋଗେ ଯୋଗାଯୋଗ ହୋଇଛି। ତେବେ ବିଧାୟକ ମାନଙ୍କୁ କୋଟି କୋଟି ଟଙ୍କାର ଅଫର ଦେଇ ଦିଲ୍ଲୀ ସରକାର ଭାଙ୍ଗିବାକୁ ବିଜେପି ଅପଚେଷ୍ଟା କରୁଥିବା କହି ବର୍ଷିଛନ୍ତି ଆପ୍ ବିଧାୟକ ଆତିଶି ।

ଝାଡୁ ଛାଡ଼ି ଫୁଲ ଧରିବାକୁ ବିଜେପି ଆପ୍ ବିଧାୟକଙ୍କୁ ୨୦ କୋଟିର ଅଫର ଦେଇଥିଲା । ଏ ନେଇ ଗତକାଲି ଆପ୍ ପ୍ରେସମିଟ କରି ବିଜେପିକୁ ଟାର୍ଗେଟ କରିଥିବା ବେଳେ ଆଜି ଆପ୍ ର ବିଧାୟକ ଦଳ ବୈଠକ ଡାକିଥିଲେ ଅରବିନ୍ଦ କେଜରିଓ୍ବାଲ ।