ତରଭାରେ ସିରିଜ ଲୁଟ୍: ମାତିଲା ଲୁଟେରା, ମନ୍ଦିର ଓ ଦୋକାନ ଲୁଟିଲେ

ତରଭା: ସୁବର୍ଣ୍ଣପୁର ଜିଲ୍ଲା ତରଭା ଏନଏସିରେ ସିରିଜ ଲୁଟ୍ । ଲୁଟେରାଙ୍କ ଟାର୍ଗେଟରେ ମନ୍ଦିରଠାରୁ ଆରମ୍ଭ କରି ଦେକାନ । ଦୁଇ ଦୁଇଟି ମନ୍ଦିର ହୁଣ୍ଡିରୁ ଲୁଟିବା ସହ ଗୋଟିଏ ଦୋକାନରେ ବୁଲାଇଲେ କଳାକନା ।

ସହରରେ ଥିବା ବଡ଼ବନ୍ଧ ଶିବ ମନ୍ଦିର, ନୂଆପଡା ଶନି ମନ୍ଦିରର ଦାନବାକ୍ସ ଭାଙ୍ଗା ଯାଇ ହୋଇଛି ଲୁଟ । ଉଭୟ ମନ୍ଦିରର ଦାନ ବାକ୍ସରୁ ଲକ୍ଷାଧିକ ଟଙ୍କା ଚୋରି ହୋଇଥିବା ଅଭିଯୋଗ ହୋଇଛି ।

ସେହିପରି ତରଭା ବ୍ଲକ ସାମ୍ନାରେ ଥିବା ଜଣେ ଦିବ୍ୟାଙ୍ଗ ବ୍ୟକ୍ତିଙ୍କ ଦୋକାନରୁ ମଧ୍ୟ ଚୋରି ହୋଇଥିବା ଅଭିଯୋଗ ହୋଇଛି । ଏନେଇ ତରଭା ଥାନାରେ ଅଭିଯୋଗ ହୋଇଛି । ଘଟଣାସ୍ଥଳରେ ତରଭା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।