ଟେଲିଭିଜନ ଦୁନିଆର ବରିଷ୍ଠ ପ୍ରଯୋଜକ ଅକ୍ଷୟ କୁମାର ମହାନ୍ତିଙ୍କ ପରଲୋକ
ଭୁବନେଶ୍ୱର: ଟେଲିଭିଜନ ଦୁନିଆର ବରିଷ୍ଠ ପ୍ରଯୋଜକ ଅକ୍ଷୟ କୁମାର ମହାନ୍ତିଙ୍କର ଆଜି ପରଲୋକ ଘଟିଛି। ଆଜି ସକାଳ ପ୍ରାୟ ୭ଟାରେ ଭୁବନେଶ୍ୱର ଚନ୍ଦ୍ରଶେଖରପୁରସ୍ଥିତ ବାସଭବନରେ ତାଙ୍କର ପରଲୋକ ହୋଇଛି । ମୃତ୍ୟୁ ବେଳକକୁ ତାଙ୍କୁ ୮୦ ବର୍ଷ ହୋଇଥିଲା । ସେ ପ୍ରଯୋଜକ ଭାବେ ଦୂରଦର୍ଶନ ଏବଂ ଇଟିଭିରେ କାର୍ଯ୍ୟ କରିଥିଲେ ।
ଅନେକ ସାଂସ୍କୃତିକ କାର୍ଯ୍ୟକ୍ରମର ପ୍ରଯୋଜନା କରି ନିଜ ଦକ୍ଷତାର ପ୍ରମାଣ ଦେଇଥିଲେ ଅକ୍ଷୟ। ଅନେକ ନାଟକ ଓ ଉପନ୍ୟାସ ମଧ୍ୟ ସେ ଲେଖିଛନ୍ତି। ସମ୍ବିତ, ଚନ୍ଦ୍ରମାଳିକା, ମଧ୍ୟରାତ୍ରିର କାହାଣୀ ରଚନା କରିଛନ୍ତି । ପ୍ରଯୋଜକ ଅକ୍ଷୟ କୁମାର ମହାନ୍ତି କଟକରେ ସ୍କୁଲ ଓ କଲେଜ ପଢିବା ପରେ ୧୯୭୩ ମସିହାରେ ଟେଲିଭିଜନ ଦୁନିଆକୁ ଆସିଥିଲେ। ସେ କିଛିଦିନ ହେଲା ଅସୁସ୍ଥ ଥିଲେ।
