ସ୍ବଳ୍ପ ବଜେଟରେ କେମିତି ବନିଲା ଚନ୍ଦ୍ରଯାନ-୩, ଭାରତକୁ ଫର୍ମୁଲା ମାଗିଲା ନାସା: ଇସ୍ରୋ ମୁଖ୍ୟ

ନୂଆଦିଲ୍ଲୀ: ଭାରତକୁ ଚନ୍ଦ୍ରଯାନ-୩ର ଜ୍ଞାନ କୌଶଳ ମାଗିଲା ନାସା। ସ୍ବଳ୍ପ ବଜେଟ ଓ ସ୍ବଦେଶୀ ଜ୍ଞାନ କୌଶଳରେ ଚନ୍ଦ୍ର ଅଭିଯାନରେ ନୂଆ ଇତିହାସ ଲେଖିଥିବା ଭାରତକୁ ଆମେରିକା ମହାକାଶ ଗବେଷଣା ସଂସ୍ଥା ନାସା ମାଗିଛି ଟେକନିକ। ନାସା ଏହାକୁ ଭୂୟସୀ ପ୍ରଶଂସା କରିବା ସହିତ ସଫଳତାର ଫର୍ମୁଲା ମାଗିଛି। ଦିନେ ଆମେରିକା ଭାରତକୁ ସ୍ପେଶ ରିସର୍ଚ୍ଚରେ ସହଯୋଗ କରିବାକୁ ମନା କରିଦେଇଥିଲା। ଏବେ କିନ୍ତୁ ସମୟ ବଦଳିଯାଇଛି।

ଆମେରିକା ବୈଜ୍ଞାନିକମାନେ ଇସ୍ରୋ ବୈଜ୍ଞାନିକଙ୍କୁ ଜ୍ଞାନକୌଶଳ ବିକ୍ରି କରିବାକୁ କହିଛନ୍ତି। ଇସ୍ରୋ ମୁଖ୍ୟ ଏସ ସୋମନାଥ ଗଣମାଧ୍ୟମକୁ ଏହି ସୂଚନା ଦେଇଛନ୍ତି। ଭାରତ ଏବେ ମହାକାଶ ଗବେଷଣାରେ ଭଲ ଉପକରଣ ଓ ରକେଟ ବନାଇବାରେ ସକ୍ଷମ। ଏଥିପାଇଁ ଘରୋଇ କ୍ଷେତ୍ରକୁ ମଧ୍ୟ ସାମିଲ କରାଯାଇଛି। ଇସ୍ରୋ ଚନ୍ଦ୍ରଯାନ-୩କୁ ବିକଶିତ କରି ସାରିବା ପରେ ନାସା ଜେଟ ପ୍ରପଲସନ ଲାବୋଟୋରୀର ବୈଜ୍ଞାନିକଙ୍କୁ ଆମେରିକା ନିମନ୍ତ୍ରଣ କରିଥିଲା।

ଏଥିରେ ଅଗଷ୍ଟ ୨୩ ତାରିଖରେ କିପରି ଚନ୍ଦ୍ରଯାନ-୩ ଚନ୍ଦ୍ରପୃଷ୍ଠରେ ଅବତରଣ କରିବ ତାହା ଭାରତୀୟ ବୈଜ୍ଞାନିକ ବୁଝାଇଥିଲେ। ଡିଜାଇନ, ପ୍ରସ୍ତୁତି ଓ ଗଠନ ବିଷୟରେ ସବିଶେଷ ବିବରଣୀ ଦେଇଥିଲେ। ଏଥିରେ ପ୍ରଭାବିତ ହୋଇ ଆମେରିକା ଏହାକୁ କିଣିବାକୁ ଆଗ୍ରହ ଦେଖାଇଛି।