କ୍ରାନ୍ତି ଦିବସରେ ଆରମ୍ଭ ହେଲା ସ୍ୱେଚ୍ଛାକୃତ ରକ୍ତଦାନ ଅଭିଯାନ, କରୋନା ପାଇଁ ହେବ ସହାୟକ

ଭୁବନେଶ୍ୱର: ଅଗଷ୍ଟ ୯ କ୍ରାନ୍ତି ଦିବସ ଅବସରରେ ମୁଖ୍ୟମନ୍ତ୍ରୀଙ୍କ ଆହ୍ୱାନ କ୍ରମେ ଆରମ୍ଭ ହେଲା ସ୍ୱେଚ୍ଛାକୃତ ରକ୍ତଦାନ ଅଭିଯାନ । ‘ଓଡ଼ିଶା ମୋ ପରିବାର-ଜୀବନ ବିନ୍ଦୁ’ ଆନୁକୁଲ୍ୟରେ ଆରମ୍ଭ ହୋଇଛି ଏହି ଅଭିଯାନ ସପ୍ତାହ ବ୍ୟାପି ଚାଲିବ । କରୋନା ସମୟରେ ରକ୍ତ ସଂକଟ ଦୂର କରିବାକୁ ସମସ୍ତ ଜିଲ୍ଲା ମୁଖ୍ୟାଳୟରେ ଚାଲିବ ଏହି ଅଭିଯାନ । ରାଜ୍ୟ ବିଜୁ ଜନତା ଦଳ କାର୍ଯ୍ୟାଳୟରେ ସକାଳ ସାଢେ ୯ଟାରେ ରକ୍ତଦାନ ଶିବିରର ଶୁଭାରମ୍ଭ ହୋଇଛି ।

ଓଡିଶା-ମୋ ପରିବାରର ଆବାହକ ଶ୍ରୀ ଅରୂପ ପଟ୍ଟନାୟକ ଶିବିରର ଉଦଘାଟନ । ରକ୍ତଦାନ ଶିବରରେ ବିଧାୟକ ଦେବୀ ପ୍ରସାଦ ମିଶ୍ର,  ଅତନୁ ସବ୍ୟସାଚୀ ନାୟକ, ମନ୍ତ୍ରୀ ଅଶୋକ ପଣ୍ଡା, ଅନନ୍ତ ନାରାୟଣ ଜେନା, ସୁଶାନ୍ତ ରାଉତ ଏବଂ ଦଳର ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ କାର୍ମକର୍ତ୍ତାମାନେ ଉପସ୍ଥିତ ରହି ରକ୍ତଦାତାଙ୍କୁ ଉତ୍ସାହିତ କରୁଛନ୍ତି । ସପ୍ତାହ ଧରି ଚାଲିବ ଏହି ରକ୍ତଦାନ ଶିବିର । ତେବେ ଏହି ସିବିରରୁ ୧୦ ହଜାର ୟୁନିଟ ରକ୍ତ ସଂଗ୍ରହ କରିବାକୁ ଲକ୍ଷ୍ୟ ରଖାଯାଇଛି ।