କାଲିଠୁ ଭାରତ ଆସିବେ ଶେଖ ହାସିନା, ନଦୀଜଳ ବଣ୍ଟନ ନେଇ ଆଲୋଚନା

ନୂଆଦିଲ୍ଲୀ: ଆସନ୍ତାକାଲି (ସୋମବାର) ଠାରୁ ଭାରତ ଗସ୍ତରେ ଆସିବେ ବାଂଲାଦେଶ ପ୍ରଧାନମନ୍ତ୍ରୀ ଶେଖ ହାସିନା । ଦ୍ବିପାକ୍ଷିକ ସମ୍ପର୍କ, ସାମୁଦ୍ରିକ ସହଯୋଗ, ଖାଦ୍ୟ ନିରାପତ୍ତା, ନଦୀଜଳ ବଣ୍ଟନ, ଯୋଗାଯୋଗ, ବିଦ୍ୟୁତ ଆଦି କ୍ଷେତ୍ରରେ ଗୁରୁତ୍ବପୂର୍ଣ୍ଣ ଆଲୋଚନା ହେବ । ବାଣିଜ୍ୟ, ନିବେଶ ଆଦି ପ୍ରସଙ୍ଗରେ ମଧ୍ୟ କେତେକ ଚୁକ୍ତି ସ୍ବାକ୍ଷିରିତ ହେବା ସମ୍ଭାବନା ଅଛି ।

ହାସିନାଙ୍କ ସହ ବିଭିନ୍ନ ବିଭାଗର ମନ୍ତ୍ରୀ, ସଚିବ ଓ ଉଚ୍ଚସ୍ତରୀୟ ପ୍ରତିନିଧି ଦଳ ଭାରତ ଆସିବେ । ୫ରୁ ୮ ତାରିଖ ଯାଏଁ ଏହି ଗସ୍ତ କାଳରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ଆଲୋଚନା କରିବେ ହାସିନା । ରାଷ୍ଟ୍ରପତି ଦ୍ରୌପଦୀ ମୁର୍ମୁ, ଉପରାଷ୍ଟ୍ରପତି ଜଗଦୀପ ଧନଖଡ଼, ବୈଦେଶିକ ବ୍ୟାପାର ମନ୍ତ୍ରୀ ଏସ. ଜୟଶଙ୍କରଙ୍କ ସହ ମଧ୍ୟ ଆଲୋଚନା କରିବେ ବାଂଲାଦେଶ ପ୍ରଧାନମନ୍ତ୍ରୀ ।

ଦୁଇ ଦେଶ ମଧ୍ୟରେ ନଦୀଜଳ ବଣ୍ଟନ ନେଇ ଦୀର୍ଘ ବର୍ଷ ଧରି ଆଲୋଚନା ଜାରି ରହିଛି । ପ୍ରାୟ ୫୪ଟି ନଦୀ ପ୍ରସଙ୍ଗରେ ଦୁଇ ଦେଶ ମଧ୍ୟରେ କଥାବାର୍ତ୍ତା ଜାରି ରହିଛି ।