ସିଦ୍ଧାର୍ଥଙ୍କ ମୃତ୍ୟୁ ପରେ ଶେହନାଜଙ୍କ ପ୍ରଥମ ସାକ୍ଷାତକାର, କହିଲେ ନିଜକୁ….
ନୂଆଦିଲ୍ଲୀ: ବିଗବସ୍ ଫେମ୍ ଶେହନାଜ ଗିଲ୍ ସିଦ୍ଧାର୍ଥ ଶୁକ୍ଳାଙ୍କ ଦେହାନ୍ତ ପରେ କାମକୁ ଫେରିଛନ୍ତି । ଶେହନାଜ ଗିଲଙ୍କୁ ଦିଲଜିତ ଦୋସାଂଝ ଏବଂ ସୋନମ ବାଜଓ୍ୱାଙ୍କ ସହିତ ତାଙ୍କ ଆଗାମି ଫିଲ୍ମ ‘ହୌସଲ ରଖ’ର ପ୍ରମୋଶନରେ ଦେଖିବାକୁ ମିଳିଛି । ସାକ୍ଷାତକାରର କିଛି ଭିଡ଼ିଓ କ୍ଲିପ୍ ମଧ୍ୟ ସୋସିଅଲ ମିଡିଆରେ ଭାଇରାଲ ହେଉଛି ।
ଭାଇରାଲ ହେଉଥିବା ଭିଡ଼ିଓରେ ଶହନାଜ କହୁଛନ୍ତି ‘ମୁଁ ନିଜକୁ ଧୌର୍ଯ୍ୟ ରଖ’ ବୋଲି କହିବି । ତେବେ ଶେହନାଜଙ୍କ ଏହି ଭିଡ଼ିଓ କ୍ଲିପ୍ ଦେଖିବା ପରେ ତାଙ୍କ ପ୍ରଶଂସକ ତାଙ୍କୁ ଧୈର୍ଯ୍ୟ ରଖିବାକୁ କହୁଛନ୍ତି ।
ସିଦ୍ଧାର୍ଥ ଶୁକ୍ଳାଙ୍କ ପରଲୋକ ପରେ ସମସ୍ତେ କେବଳ ଶେହନାଜ ଗିଲଙ୍କ ଗୋଟିଏ ଝଲକ୍ ଦେଖିବାକୁ ଚାହୁଁଥିଲେ । କିନ୍ତୁ ତାହା ସମ୍ଭବ ହେଉନଥିଲା । ଏବେ ତାଙ୍କଠାରୁ କିଛି ଶୁଣିବାକୁ ପାଇଛନ୍ତି ତାଙ୍କ ପ୍ରଶଂସକ । ତେବେ ଶେହନାଜଙ୍କ ଏହି ଭିଡ଼ିଓ ଦେଖିବା ପରେ ଜଣାପଡ଼ୁଛି ସେ ଖୁବ୍ ପ୍ରୋଫେସନାଲ ।
ସୂଚନାଯୋଗ୍ୟ, ସେପ୍ଟେମ୍ବର ୨ରେ ହୃଦଘାତ ହେତୁ ବିଗବସ ୧୩ର ବିଜେତା ବା ଅଭିନେତା ସିଦ୍ଧାର୍ଥ ଶୁକ୍ଳାଙ୍କର ପରଲୋକ ହୋଇଥିଲା । ସିଦ୍ଧାର୍ଥଙ୍କ ପରଲୋକରେ ଖୁବ୍ ଭାଙ୍ଗି ପଡ଼ିଥିଲେ ଶେହନାଜ । ଶେହନାଜଙ୍କ ହୃଦୟ ବିଦାରକ ଫଟୋ ତାଙ୍କ ପ୍ରଶଂସକଙ୍କୁ ଭାବବିହ୍ୱଳ କରି ଦେଇଥିଲା ।
