ବିମାନବନ୍ଦରରେ ବୋମା ରଖାଯାଇଥିବା ନେଇ ଆସିଲା ଫୋନ କଲ୍

ବେଙ୍ଗାଲୁରୁ: ବେଙ୍ଗାଲୁରୁ ଏୟାରପୋର୍ଟରେ ବୋମା ଆତଙ୍କ । ବିମାନବନ୍ଦରରେ ବୋମା ରଖାଯାଇଥିବା ନେଇ କଣ୍ଟ୍ରେଲ ରୁମକୁ ଫୋନ କଲ୍ ଆସିବା ପରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି । ପୋଲିସ ଘଟଣାର ସତ୍ୟାସତ୍ୟ ଯାଞ୍ଚ କରୁଥିବା ବେଳେ ବିମାନବନ୍ଦରରେ CISF ଓ ଡଗ୍ ସ୍କ୍ବାଡ ପକ୍ଷରୁ ସର୍ଚ୍ଚ ଅପରେସନ ଜାରି ରହିଛି ।

ଆଜି ସକାଳୁ କେମ୍ପେଗୌଡ଼ା ଆନ୍ତର୍ଜାତିୟ ବିମାନ ବନ୍ଦରକୁ ଏକ ଧମକପୂର୍ଣ୍ଣ ଫୋନ୍ କଲ ଆସିଥିଲା । ବୋମାରେ ବିମାନବନ୍ଦର ଉଡ଼ାଇ ଦେବାକୁ ଭେର ୩ଟା ୩୦ରେ ଏକ ଫୋନ କଲରେ ଧମକ ଦିଆଯାଇଥିଲା । ଏହାପରେ ବିମାନ ବନ୍ଦର ଭିତର ଓ ବାହାରେ ବ୍ୟାପକ ପୋଲିସ ଫୋର୍ସ ମୁତୟନ କରାଯାଇଛି । ବୋମା ନିଷ୍କ୍ରିୟକାରୀ ଟିମ୍ ମଧ୍ୟ ସର୍ଚ୍ଚ ଅପରେସନରେ ସାମିଲ ରହିଛି ।