ପୁଲୱାମାରେ ସେନାର ଏନକାଉଣ୍ଟର, ୨ ଆତଙ୍କବାଦୀ ନିହତ

ଶ୍ରୀନଗର: ଜମ୍ମୁ କଶ୍ମୀରର ପୁଲୱାମାରେ ସୁରକ୍ଷାକର୍ମୀ-ଆତଙ୍କବାଦୀଙ୍କ ମଧ୍ୟରେ ଗୁଳିବିନିମୟ ହୋଇଛି । ପୁଲୱାମା ବାନ୍ଦଜୁ ଅଞ୍ଚଳରେ ହୋଇଥିବା ଏନକାଉଣ୍ଟରରେ ସେନା ୨ ଜଣ ଆତଙ୍କବାଦୀଙ୍କୁ ନିହତ କରିଛି । ଏଥିରେ ଜଣେ ସିଆରପିଏଫ୍ ଯବାନ ସହିଦ୍ ହୋଇଥିବା ସୂଚନା ମିଳିଛି । ସ୍ଥାନୀୟ ଅଞ୍ଚଳରେ ଯବାନ ସର୍ଚ୍ଚ ଅପରେସନ୍ ଜାରି ରଖିଛନ୍ତି ।

#UPDATE – Two terrorists eliminated & 2 AK-47 recovered. Joint operation in progress: Chinar Corps, Indian Army https://t.co/wbXYJ7Ei8o

— ANI (@ANI) June 23, 2020

କଶ୍ମୀର ଜୋନର ଆଇଜି ବିଜୟ କୁମାର ୨ ଆତଙ୍କବାଦୀ ନିହତ ହୋଇଥିବା ସୂଚନା ଦେଇଛନ୍ତି । ଆତଙ୍କବାଦୀ ଛପି ରହିଥିବା ଖବର ପରେ ପୋଲିସ, ସେନା ଓ ସିଆରପିଏଫର ମିଳିତ ଟିମ୍ ସର୍ଚ୍ଚ ଅପରେସନ୍ ଆରମ୍ଭ କରିଥିଲେ । ସୁରକ୍ଷାବଳ ଉକ୍ତ ସ୍ଥାନକୁ କର୍ଡନ କରିବା ପରେ ଆତଙ୍କବାଦୀ ଫାୟାରିଂ ଆରମ୍ଭ କରିଦେଇଥିଲେ । ଏଥିରେ ଜଣେ ସିଆରପିଏଫ ଯବାନ ସହିଦ ହୋଇଛନ୍ତି ।

ସୋମବାର ଦିନ ପୁଲୱାମାର ଟ୍ରାଲ୍ ସେକ୍ଟରର ସିଆରପିଏଫ କ୍ୟାମ୍ପ ନିକଟରେ ଫାୟାରିଂ ସହ ଗ୍ରେନେଡ୍ ଆକ୍ରମଣ ହୋଇଥିଲା ।