ଭିଜିଲାନ୍ସ ଜାଲରେ ପୁଣି ଜଣେ ବଡ଼ ବାବୁ, ଲାଞ୍ଚ ନେଇ ଫସିଲେ ସେକ୍ସନ ଅଫିସର

ବଲାଙ୍ଗୀର: ଭିଜିଲାନ୍ସ ଜାଲରେ ପୁଣି ଜଣେ ବଡ଼ ବାବୁ । ଜବତ ହୋଇଥିବା ଟ୍ରାକ୍ଟର ଛାଡ଼ିବା ପାଇଁ ଲାଞ୍ଚ ନେବା ବେଳେ ମାଡ଼ି ବସିଲା ଭିଜିଲାନ୍ସ ଟିମ୍ । ବଲାଙ୍ଗୀର ଆଗଲପୁର ତହସିଲରର ସେକ୍ସନ ଅଫିସର କିଶୋର ଖର୍ସେଲ ଭିଜିଲାନ୍ସ ହାତରେ ଧରା ପଡ଼ି ଗିରଫ ହୋଇଛନ୍ତି । ଜବତ ଟ୍ରାକ୍ଟରକୁ ଛାଡିବା ପାଇଁ ୩୫ ହଜାର ଟଙ୍କା ଲାଞ୍ଚ ନେଉଥିଲେ କିଶୋର ଖର୍ସେଲ । କେମିକାଲ ବୋଳା ୩୫ ହଜାର ଟଙ୍କା ଜବତ କରିଛି କ୍ରାଇମବ୍ରାଞ୍ଚ । ଗିରଫ ପରେ ସେକ୍ସନ୍ ଅଫିସରଙ୍କ ବଲାଙ୍ଗୀର ହାତୀ ଶାଳପଡ଼ାଠାରେ ଥିବା ସରକାରୀ କ୍ୱାର୍ଟରରେ ଭିଜିଲାନ୍ସ ଚଢ଼ାଉ କରିଥିଲା ।

ବଲାଙ୍ଗୀର ଭିଜିଲାନ୍ସ ଡିଏସପି ପୁଲସ୍ତି ଛତ୍ରିଆଙ୍କ ନେତୃତ୍ୱରେ ଚଢାଉ କରିଥିଲା ଟିମ । ସୂଚନା ଅନୁସାରେ, ବେଆଇନ ବାଲି ଚାଲାଣ ନେଇ ଆଗଲପୁର ବ୍ଲକ ବିନ୍ଧାପାଲିର କୃଷ୍ଣଚନ୍ଦ୍ର ସାହୁଙ୍କ ଟ୍ରାକ୍ଟରକୁ ଆରଆଇ ଜବତ କରି ୧ ଲକ୍ଷ ୧୫ ହଜାର ଟଙ୍କା ଜରିମାନା ପକାଇଥିଲେ । ତେବେ ୪୫ ହଜାର ଟଙ୍କା ଲାଞ୍ଚ ଦେଲେ ଟ୍ରାକ୍ଟର ଛଡାଯିବ ବୋଲି କହିଥିଲେ ସେକ୍ସନ ଅଫିସର । ଏନେଇ ଟ୍ରାକ୍ଟର ମାଲିକ ଜଣଙ୍କ ଭିଜିଲାନ୍ସ ବିଭାଗରେ ଅଭିଯୋଗ କରିଥିଲେ । ପରେ ଅଫିସରେ ଚଢ଼ାଉ କରି  କିଶୋରଙ୍କୁ ଗିରଫ କରିଥିଲା ଭିଜିଲାନ୍ସ ।