ମଧ୍ୟରାତ୍ରିରୁ ଆରମ୍ଭ ହେବ ଶ୍ରୀବିଗ୍ରହଙ୍କ ନାଗାର୍ଜୁନ ବେଶ, କୋଭିଡ କଟକଣା ପାଇଁ ଲାଗୁ ହେଲା ୧୪୪ ଧାରା

ପୁରୀ: ଆସନ୍ତାକାଲି ପୁରୀରେ ଶ୍ରୀଜିଉଙ୍କ ଦୁର୍ଲଭ ନାଗାର୍ଜୁନ ବେଶ । ଶୃଙ୍ଖଳିତ ଭାବେ ବେଶ ସମାପନ ଲାଗି ପ୍ରଶାସନିକ ସ୍ତରରେ ବ୍ୟାପକ ବନ୍ଦୋବସ୍ତ କରାଯାଇଛି  । ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯିବା ସହ ପାଳିଆ ସେବାୟତଙ୍କୁ ଶ୍ରୀମନ୍ଦିରରେ ପ୍ରବେଶ ଦିଆଯାଇଛି ଅନୁମତି । ତେବେ କରୋନା କଟକଣା ପାଇଁ ଭକ୍ତଙ୍କୁ ଶ୍ରୀମନ୍ଦିର ମଧ୍ୟକୁ ଛଡ଼ାଯିବ ନାହିଁ ।

ଭକ୍ତମାନେ ବଡ଼ଦାଣ୍ଡରୁ ପତିତପାବନଙ୍କ ଦର୍ଶନ କରିପାରିବେ । ନାଗାର୍ଜୁନ ବେଶ ପାଇଁ କଡ଼ା ସୁରକ୍ଷା ବ୍ୟବସ୍ଥା କରାଯାଇଛି  । ୨୫ ପ୍ଲାଟୁନ ପୋଲିସ ମୁତୟନ ହେବେ  । ଆଜି ରାତି ଦୁଇଟାରୁ ଆସନ୍ତାକାଲି ବେଳ ଓଲାଗି ପର୍ଯ୍ୟନ୍ତ ଶ୍ରୀମନ୍ଦିର ଚାରିପାଖରେ ୧୪୪ ଧାରା ଜାରି କରାଯିବ  । କେବଳ ନିର୍ଦ୍ଧିଷ୍ଟ ସେବାୟତ, ସରକାରୀ ଅଧିକାରୀ ଓ କର୍ମଚାରୀ, ଜେଟିପିଙ୍କୁ ଉକ୍ତ ଅଞ୍ଚଳରେ ପ୍ରବେଶ ବ୍ୟତୀତ ଅନ୍ୟ କାହାରି ପ୍ରବେଶ ଉପରେ କଟକଣା ଜାରି କରାଯାଇଛି ।