ଭାରପ୍ରାପ୍ତ ପ୍ରିନିସିପାଲଙ୍କୁ ସଂପର୍କ ରଖିବାକୁ ଚାପ ପକାଉଥିଲେ ସମ୍ପାଦକ…ନହେଲେ ଚାକିରି ଖାଇଯିବେ ବୋଲି ଦେଉଥିଲେ ଧମକ
ରାଉରକେଲା: ରାଉରକେଲା ବିଶ୍ରା ଡାହାର ରୋଡ୍ ସରସ୍ଵତୀ ବିଦ୍ୟା ମନ୍ଦିର ସମ୍ପାଦକଙ୍କ ନାଁରେ ସଙ୍ଗୀନ ଅଭିଯୋଗ । ଭାରପ୍ରାପ୍ତ ପ୍ରିନ୍ସିପାଲ ଆଣିଲେ ଅସଦାଚରଣ ଅଭିଯୋଗ । ସମ୍ପାଦକ ରାଜେଶ ଅଗ୍ରୱାଲ ବିଭିନ୍ନ ସମୟରେ ଭାରପ୍ରାପ୍ତ ପ୍ରିନ୍ସିପାଲଙ୍କୁ ହୋଟେଲକୁ ଡାକିବା ସହ ସମୟ ସମୟରେ ହାତ ଧରିପକାଉଥିବା ଓ ବ୍ୟକ୍ତିଗତ ସମ୍ପର୍କ ରଖିବା ପାଇଁ ଚାପ ସୃଷ୍ଟି କରୁଥିବା ଅଭିଯୋଗ ହୋଇଛି ।
କେବଳ ସେତିକି ନୁହେଁ ସମ୍ପାଦକଙ୍କ କଥା ନରଖିବାରୁ ବିଭିନ୍ନ ସମୟରେ ଭାରପ୍ରାପ୍ତ ପ୍ରିନ୍ସିପାଲଙ୍କୁ ହଇରାଣ କରିବା ସହ ଚାକିରିରୁ ଇସ୍ତଫା ଦେବାକୁ ଧମକ ଦେଉଥିବାନେଇ ଉଦିତନଗର ଥାନାରେ ଏତଲା ଦିଆଯାଇଛି । ଅଭିଯୋଗ ପରେ ପୋଲିସ ପକ୍ଷରୁ ଘଟଣାର ତଦନ୍ତ ଆରମ୍ଭ ହୋଇଛି । ସରସ୍ଵତୀ ବିଦ୍ୟା ମନ୍ଦିର ସଭାପତି କହିଛନ୍ତି ଯେ, ସଂପାଦକଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।
