ଖୋଲୁଛି ଅର୍ଚ୍ଚନାର ସେକ୍ସ ସିଣ୍ଡିକେଟ ଗୁମାର

ଭୁବନେଶ୍ବର:  ମାୟାବିନୀ ଅର୍ଚ୍ଚନା ନାଗର ଖୋଲୁଛି ମିଠା ଫାଶର ଗୁମର । ସାମ୍ନାକୁ ଆସିଲା ବ୍ଲାକମେଲ କାହାଣୀର ବ୍ଲୁ କୁଇନ ଡିଲ୍ ଭିଡିଓ । ହନିଟ୍ରାପ ପରେ ହାଇପ୍ରୋଫାଇଲ ହୋଟେଲରେ ହେଉଥିଲା ମନିଟ୍ରାପ । ଜବତ ମୋବାଇଲ, ହାର୍ଡଡିସ୍କ ଓ ପେନ ଡ୍ରାଇଭ ଖୋଲିବ କୁହୁକିନୀ କୁହକ ପେଢି ।

କିଏ ଫସିବ ଜାଲରେ । ବଡ଼ବଡିଆଙ୍କ ଲୋକଙ୍କ ତାଲିକା ବନାଉଥିଲେ ଅର୍ଚ୍ଚନା ଆଣ୍ଡ କୋ । ସୋସିଆଲ୍ ମିଡିଆଠାରୁ ଆରମ୍ଭ କରି ହ୍ବାଟସଆପ୍ । ବିଛାଉଥିଲେ ଜାଲ । ମିଠା ମିଠା କଥା କହି ମାୟାବିନୀ ଯୋଡୁଥିଲେ ସଂପର୍କ । ଆଉ ତା’ପରେ ସତ୍ୟ ବିହାରର ଏହି ଆଲିସାନ୍ କୋଠାକୁ ନିମନ୍ତ୍ରଣ ଦେଉଥିଲେ ଅର୍ଚ୍ଚନା । ଥରେ ପହଞ୍ଚିଗଲେ କଥା ସରିଲା ।  ହିଡେନ୍ କ୍ୟାମେରାରେ କଏଦ ହେଉଥିଲା ବଡବଡିଆଙ୍କ ହେଟ୍ ଷ୍ଟୋରୀ । ଆଉ ଏହା ପରେ ଆରମ୍ଭ ହେଉଥିଲା ବ୍ଲାକମେଲିଂର ଏପିସୋଡ୍ । କେତେବେଳେ ଭିଡିଓ ଦେଖାଇ ତ କେତେବେଳେ ପୀଡିତାଙ୍କୁ ସାଙ୍ଗରେ ନେଇ ଅର୍ଚ୍ଚନା କରୁଛନ୍ତି ମୂଲ୍ ଚାଲ୍ ।

ଫେସବୁକରେ ଫ୍ରେଣ୍ଡସିପ୍, ମେସେଞ୍ଜର ଲଗାଉଥିଲେ ମାୟା । ଯିଏ ଉତ୍ତର ଦେଲା ସେ ଫସିଲା । ରାଜି ହେଲେ ଏ ଚାଟ୍ ହିଁ ବାଟ କଢାଇ ଆଣୁଥିଲା ସତ୍ୟନଗର ଉଆସର ସେହି ବେଡରୁମ୍କୁ । ଆଉ ଥରେ ଆସିଲେ କୋଟି କୋଟିର ବେପାର ।

ସେକ୍ସ ରାକେଟର ଏହି କୁଇନକୁ ରିମାଣ୍ଡରେ ଆଣି ପୋଲିସ ପଚରାଉଚରା କରିପାରେ । ଟେଣ୍ଡର, ବଦଳି ଓ ଚାକିରି ଦେବା ନାଁରେ ମୋଟା ଅଙ୍କର ଚୂନ ଲଗାଇଥିବା ଲୋକଙ୍କୁ କରାଯିବ କି ଜେରା ? ମୋବାଇଲ, ହାର୍ଡଡିସ୍କ, ପେନ ଡ୍ରାଇଭ ଓ ଲାପଟପକୁ ନେଇ ତନାଘନା କରୁଛି ପୋଲିସ । ହାର୍ଡଡିକ୍ସରେ ଅଶୀଳ୍ଳ ଭିଡିଓ ଥିବା ପୋଲିସ ସନ୍ଦେହ କରିଛି । ତେଣୁ ଏବେ ବି ଅର୍ଚ୍ଚନାଙ୍କ ଅନେକ କଥା ଅନ୍ଧାରରେ ରହିଛି ।

ଅର୍ଚ୍ଚନାଙ୍କ କଳା ଟଙ୍କାରେ ଅୟସ କରୁଥିଲା ସ୍ୱାମୀ ଜଗବନ୍ଧୁ

ଅର୍ଚ୍ଚନା ଦେହ ବିକି ଆଣୁଥିବା ଟଙ୍କାରେ ସ୍ବାମୀ ଜଗବନ୍ଧୁ କରୁଥିଲା ଅୟସ । ଘରେ ରଖିଥିଲା ୩ ଲକ୍ଷ ଟଙ୍କାର ଆମେରିକାନ ମକାଓ ଚଢ଼େଇ । ସତ୍ୟବିହାର ଘରେ ଅଛନ୍ତି ୪ ଲକ୍ଷ ଟଙ୍କା ମୁଲ୍ୟର ବିଦେଶୀ କୁକୁର । ମୁଡ ବନେଇବା ପାଇଁ ଦାମୀ ବ୍ରାଣ୍ଡର ମଦ ପିଉଥିଲା ଜଗବନ୍ଧୁ । ରୂପା ଗ୍ଲାସରେ ପିଉଥିଲା ଫରେନ ଲିକର । ହାତରେ ପିନ୍ଧୁଥିଲା ୨ ଲକ୍ଷ ଟଙ୍କାର ଘଣ୍ଟା । ସ୍ତ୍ରୀର ପଲଙ୍କ ସେବା ଟଙ୍କାରେ ସ୍ୱାମୀ କରୁଥିଲା ଅୟସ ।

ପୁରୀ ଭୁବନେଶ୍ୱର ବାଇପାସରେ ଥିବା ପୁରୁଣା ଗାଡି ଶୋରୁମରେ ଲାଗିଛି କଳା ଟଙ୍କା  । ୧୦ ପ୍ରତିଶତ ସୁଧରେ କୋଟି କୋଟି ଟଙ୍କା ଖଟାଇଛି ଜଗବନ୍ଧୁ । ପୂରା ସିଣ୍ଡିକେଟ ପଛରେ ଅଛନ୍ତି ଜଗବନ୍ଧୁର ୪ ସାଙ୍ଗ ଓ ଭାଇ । ଫାର୍ମ ହାଉସରେ ଚାଲୁଥିଲା ବିଜନେସ  ଡିଲ୍ । ଭୁବନେଶ୍ୱର ଉପକଣ୍ଠ ଏକ ବାଲିଘାଟରେ ଲାଗିଛି ଟଙ୍କା । ଅର୍ଚ୍ଚନାଠୁ ଜବତ ଡାଏରୀରେ ସାଙ୍ଘାତିକ ତଥ୍ୟର ହୋଇଛି ଖୁଲାସା । ଖୁବଶୀଘ୍ର ରିମାଣ୍ଡରେ ଆଣି ସତ ଓଗାରିବ କମିଶନରେଟ ପୋଲିସ ।