ମେ ୧୬ରୁ ବନ୍ଦେ ଭାରତ ମିଶନର ଦ୍ୱିତୀୟ ପର୍ଯ୍ୟାୟ, ପ୍ରବାସୀଙ୍କୁ ଆଣିବ ୧୪୯ ବିମାନ
1 min read
ନୂଆଦିଲ୍ଲୀ: ମହାମାରୀ କରୋନା ବିଶ୍ୱରେ କାୟା ବିସ୍ତାର କରିଛି । ବିଦେଶରେ ଫସିଥିବା ପ୍ରବାସୀ ଭାରତୀୟୁ ଫେରାଇ ଆଣିବା ଲାଗି ସରକାର ଯଥା ସମ୍ଭବ ପ୍ରୟାସ କରୁଛନ୍ତି । ବନ୍ଦେ ଭାରତ ମିଶନର ପ୍ରଥମ ପର୍ଯ୍ୟାୟ ୧୫ ତାରିଖ ଯାଏଁ ଜାରି ରହିବ । ଏଥିରେ ୬୪ଟି ବିମାନରେ ପ୍ରବାସୀ ଭାରତୀୟ ଦେଶକୁ ଫେରିବେ । ଏଥିସହ ସରକାର ବନ୍ଦେ ଭାରତ ମିଶନର ଦ୍ୱିତୀୟ ପର୍ଯ୍ୟାୟ ନେଇ ସୂଚନା ଦେଇଛନ୍ତି ।
The second phase of #VandeBharatMission will be launched from 16-22 May. It will bring back Indians from 31 countries. 149 flights including feeder flights will be deployed: Sources pic.twitter.com/SJYwCCpcBI
— ANI (@ANI) May 12, 2020
ବନ୍ଦେ ଭାରତ ମିଶନର ଦ୍ୱିତୀୟ ପର୍ଯ୍ୟାୟ ଆସନ୍ତା ୧୬ ତାରିଖରୁ ଆରମ୍ଭ ହେବ । ୩୧ଟି ଦେଶରେ ଥିବା ପ୍ରବାସୀ ଭାରତୀୟଙ୍କୁ ୧୪୯ଟି ବିମାନ ମାଧ୍ୟମରେ ଦେଶକୁ ଅଣାଯିବ । ଏଥିରେ ଫିଡର ବିମାନ ମଧ୍ୟ ନିୟୋଜିତ ହେବ ବୋଲି କେନ୍ଦ୍ର ସରକାର ସୂଚନା ଦେଇଛନ୍ତି ।
ଦ୍ୱିତୀୟ ପର୍ଯ୍ୟାୟରେ ଓଡ଼ିଶାକୁ ପ୍ରବାସୀଙ୍କୁ ନେଇ ୩ଟି ବିମାନ ଆସିବ । ବନ୍ଦେ ଭାରତ ମିଶନରେ ଆମେରିକାରୁ ଗୋଟିଏ, ଦୁବାଇରୁ ଗୋଟିଏ ଓ ମାଲେସିଆରୁ ଗୋଟିଏ ଲେଖାଏଁ ବିମାନ ପ୍ରବାସୀ ଓଡ଼ିଆଙ୍କୁ ନେଇ ଆସିବ ବୋଲି ଜଣାପଡ଼ିଛି ।
