କରୋନାକୁ ମାତ ଦେବା ପାଇଁ କଟକରେ ଆଜିଠୁ କାର୍ଯ୍ୟକ୍ଷମ ହେବ ଦ୍ୱିତୀୟ କୋଭିଡ ହସ୍ପିଟାଲ

କଟକ: ଆଜି ଠାରୁ କାର୍ଯ୍ୟକ୍ଷମ ହେବାକୁ ଯାଉଛି କଟକରେ ICU ସୁବିଧା ଥିବା ଦ୍ୱିତୀୟ କୋଭିଡ ହସ୍ପିଟାଲ । ଜଗତପୁର ସଦଗୁରୁ ହସ୍ପିଟାଲକୁ ରାଜ୍ୟ ସରକାର କୋଭିଡ ହସ୍ପିଟାଲ ଭାବରେ ଗ୍ରହଣ କରିଛନ୍ତି  । ୧୫୦ ବେଡ଼  ବିଶିଷ୍ଟ ଏହି  ହସ୍ପିଟାଲରେ ଆଜିଠାରୁ ସେବା ଆରମ୍ଭ ହେବ । ଏଠାରେ ଆଇସିୟୁ ସୁବିଧା ସହିତ ଭେଣ୍ଟିଲେଟର ବ୍ୟବସ୍ଥା ରହୁଛି  । ଜିଲ୍ଲାରେ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ଓ ସଙ୍କଟାପନ୍ନ ରୋଗୀଙ୍କ ଚିକିତ୍ସା ପାଇଁ ଏହି ହ୍ସପିଟାଲକୁ କୋଭିଡ ହ୍ସପିଟାଲ ଭାବେ କାର୍ଯ୍ୟକାରୀ କରାୟାଉଛି ।

ଏବେ କଟକରେ ୨ଟି କୋଭିଡ ହସପିଟାଲ ଚାଲୁ ରହିଛି  । ବିଭିନ୍ନ ସରକାରୀ, ଘରୋଇ ହସପିଟାଲରେ ଟେଷ୍ଟ କରାଯାଉଛି । କୋଭିଡ ହସପିଟାଲରେ ଆଇସିୟୁ ସଂଖ୍ୟା ୩୪ରୁ ୫୮କୁ ବୃଦ୍ଧି କରାଯାଇଛି । ଗ୍ରାମାଞ୍ଚଳ ସହ ସହରାଞ୍ଚଳରେ ଅଧିକ ପରୀକ୍ଷାକୁ ଗୁରୁତ୍ୱ ଦିଆଯାଉଛି ।