୧୫୦୦ ଟଙ୍କାର ପ୍ରାରମ୍ଭିକ ମୂଲ୍ୟରେ ସି-ପ୍ଲେନରେ କରିପାରିବେ ଯାତ୍ରା

ଅହମଦାବାଦ: ଅକ୍ଟୋବର ୩୧ ତାରିଖରୁ ଦେଶର ପ୍ରଥମ ସି-ପ୍ଲେନ୍ ସେବା ଆରମ୍ଭ ହେବାକୁ ଯାଉଛି । ଦେଶର ପ୍ରଥମ ସି-ପ୍ଲେନ୍ ସେବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆରମ୍ଭ କରିବେ । ମିଳିଥିବା ସୂଚନା ମୁତାବକ ପିଏମ୍ ମୋଦି କେବାଡିୟା ସ୍ଥିତ ଷ୍ଟାଚ୍ୟୁ ଅଫ୍ ୟୁନିଟରୁ ଅହମଦାବାଦ ସାବରମତି ରିଭରଫ୍ରଣ୍ଟ ଯାଏଁ ସି-ପ୍ଲେନରେ ଯାତ୍ରା କରିବେ ।

ବିମାନଉଡ଼ାଣ କମ୍ପାନୀ ସ୍ପାଇସ୍ ଜେଟ୍ ଅକ୍ଟୋବର ୩୧ରୁ ପ୍ରତିଦିନ ୨ଟି ଉଡ଼ାଣ ସେବା ଆରମ୍ଭ କରିବ । ଏହି ଉଡ଼ାଣ ସେବା ଅହମଦାବାଦରୁ କେବାଡିୟା ରୁଟରେ ହେବ । ଉଡ଼ାଣ ସେବା ପାଇଁ ଏହି ରୁଟରେ ପ୍ରାରମ୍ଭିକ ଟିକେଟ ଦର ୧୫୦୦ ଟଙ୍କା ରହିବ ।

ସି-ପ୍ଲେନ୍ ଟିକେଟ ବୁକିଂ କରିବା ପାଇଁ www.spiceshuttle.com ୱେବସାଇଟ୍ ଲଗ୍ଇନ୍ କରନ୍ତୁ । ଏଥିପାଇଁ ଟିକେଟ୍ ବୁକିଂ ଅକ୍ଟୋବର ୩୦ରୁ ଆରମ୍ଭ ହେବ । ସୂଚନା ଅନୁୟାୟୀ ସ୍ପାଇସଜେଟ୍ ଫ୍ଲାଇଟ୍ ସାବରମତି ରିଭର ଫ୍ରଣ୍ଟରୁ ୧୦ଟା ୧୫ରେ ଉଡ଼ାଣ ଭରି କେବାଡିୟାରେ ୧୦ଟା ୪୫ରେ ଲ୍ୟାଣ୍ଡ କରିବ ।

ସ୍ପାଇସଜେଟ୍ ଅଧ୍ୟକ୍ଷ ଅଜୟ ସିଂହ କହିଛନ୍ତି- ଭାରତର ବେସାମରିକ ବିମାନ ଚଳାଚଳ ଇତିହାସରେ ଏଭଳି ପ୍ରଥମ ଥର ହେବାକୁ ଯାଉଛି । ଦେଶରେ ପ୍ରଥମଥର ପାଇଁ ସି-ପ୍ଲେନ୍ ଉଡ଼ାଣ ଭରିବ । ଏହି ଐତିହାସିକ ମୁହୂର୍ତ୍ତର ଆମେ ମୁଖ୍ୟ ଭୂମିକା ନିଭାଉଥିବାରୁ ଗର୍ବ ଅନୁଭବ କରୁଛୁ ।

h For Regional Connectivity Between Ahmedabad And Statue Of Unity

ସି-ପ୍ଲେନ୍ ପ୍ରୋଜେକ୍ଟକୁ ପ୍ରଧାନମନ୍ତ୍ରୀ ମୋଦିଙ୍କ ଡ୍ରିମ୍ ପ୍ରୋଜେକ୍ଟ ଭାବେ ଗଣନା କରାଯଆଏ । ୨୦୧୭ ବିଧାନସଭା ନିର୍ବାଚନ ବେଳେ ପ୍ରଧାନମନ୍ତ୍ରୀ ଏହାର ଆରମ୍ଭ କରିଥିଲେ । ଏବେ ଏହାକୁ ଷ୍ଟାଚ୍ୟୁ ଅଫ୍ ୟୁନିଟ୍ ସହ ଯୋଡ଼ା ଯାଇଛି । ଏହି ସି-ପ୍ଲେନ୍ ବିଗତ ଦିନରେ ମାଳଦ୍ୱୀପରୁ କୋଚ୍ଚି ପହଞ୍ଚିଥିଲା । ଯାହାପାରେ ଗୁଜରାଟ ଅଣାଯାଇଛି ।