ସାତ ଦିନ ଏକାଠି ରହିବେ ଡିମ୍ପଲ-ଡ. ସୁମିତ୍, ୧୧ ଦିନର ଧାରଣା ପରେ ନବବଧୂ ଖୁସ୍
1 min read
ବ୍ରହ୍ମପୁର: ଏବେ ସ୍ୱାମୀ ସହ ରହିବେ ଡିମ୍ପଲ । ସାତ ଦିନ ଏକାଠି ରହିବାକୁ ନିର୍ଦ୍ଦେଶ ଦେଇଛନ୍ତି ଡିମ୍ପଲ ଓ ଡାକ୍ତର ସୁମିତ । ବ୍ରହ୍ମପୁର ଏସଡିଜେଏମ କୋର୍ଟ ଆଜି ଏହି ମାମଲାର ଶୁଣାଣୀ କରିବା ସହ । ଏହି ୭ ଦିନ ସେମାନେ ଏକାଠି ରହିବା ସହ ନିଜ ନିଜ ପରିବାର ସହ ଯୋଗାଯୋଗ କରିପାରିବେ ନାହିଁ । କୌଣସି ସାମାଜିକ କର୍ମୀଙ୍କ ସହ ମଧ୍ୟ ଯୋଗାଯୋଗ କରିପାରିବେ ନାହିଁ ।
ଏହି ସମୟରେ ଡିମ୍ପଲଙ୍କ ସବୁ ଖର୍ଚ୍ଚ ଡାକ୍ତର ସୁମିତ ବହନ କରିବେ । ଆସିକାରେ ସ୍ବାମୀ ସ୍ତ୍ରୀ ଏକ ଘର ନେଇ ରହିବେ । ବ୍ରହ୍ମପୁର ଗତ ୧୧ଦିନ ହେଲା ଚର୍ଚ୍ଚାର ବିଷୟ ପାଲଟିଛି । ନିଜ ଶାଶୁ ଘରକୁ ଯିବା ଦାବିରେ ଡିମ୍ପଲ ତାଙ୍କ ଶାଶୁ ଆଗରେ ଧାରଣା ଦେଇଥିଲେ । ଏହି ମାମଲା କୋର୍ଟରେ ପହଞ୍ଚିଥିଲା । ଶେଷରେ କୋର୍ଟ ଆଜି ଏହି ରାୟ ଦେଇଛନ୍ତି ।
ବ୍ରହ୍ମପୁର ମହାନଗର ଦ୍ୱିତୀୟ ଲାଇନରେ 11 ଦିନ ହେଲା ଧାରଣାରେ ବସି ରହିଥିଲେ ତପସ୍ୱିନୀ ଓରଫ୍ ଡିମ୍ପଲ । ବିବାହ-ବିଚ୍ଛେଦ ମାମଲା କୋର୍ଟକୁ ଯାଇଥିବା ବେଳେ ଦୁଇଦିନ ତଳେ ତପସ୍ୱିନୀ ଦାଖଲ କରିଥିବା ପିଟିସନରେ ତ୍ରୁଟି ଥିବାରୁ ପରବର୍ତ୍ତୀ ସମୟରେ ସାନି ପିଟିସନ ଦାଖଲ କରିଥିଲେ । ଗୁରୁବାର ବ୍ରହ୍ମପୁର ଏସଡିଜେଏମ୍ କୋର୍ଟରେ ଡିମ୍ପଲ ଓ ସ୍ୱାମୀ ଡକ୍ଟର ସୁମିତ ହାଜର ହୋଇଥିଲେ । ତେବେ କୋର୍ଟ ଉଭୟ ପକ୍ଷଙ୍କ ଅଭିଯୋଗ ଶୁଣିବା ପରେ ରାୟ ପ୍ରକାଶ କରିଥିଲେ ।
ଆଗାମୀ ସାତ ଦିନ ଉଭୟେ ଏକାଠି ରହିବାକୁ ନିର୍ଦ୍ଦେଶ ଦେଇଛନ୍ତି SDJM କୋର୍ଟ । ଡିମ୍ପଲ-ସୁମିତ ଆସିକାରେ ଏକତ୍ର ସହବାସ କରିବା ନେଇ କୋର୍ଟ ତାଙ୍କ ରାୟରେ ପ୍ରକାଶ କରିଛନ୍ତି । ଏହି ସମୟରେ କୌଣସି ସମ୍ପର୍କୀୟ କିମ୍ବା ସମାଜସେବୀ ତାଙ୍କ ସହ କଥାବାର୍ତ୍ତା କରିବେ ନାହିଁ । ପୋଲିସର ସୁରକ୍ଷା ବ୍ୟବସ୍ଥା ମଧ୍ୟରେ ଉଭୟେ ପତି-ପତ୍ନୀ ରହିବେ ।
ତେବେ ପୂର୍ବରୁ କୋର୍ଟ ରାୟରେ ପ୍ରକାଶ କରିଥିଲେ , ନବବଧୂ ଡିମ୍ପଲ ଓରଫ ତପସ୍ୱନୀ ଦାସ ସ୍ୱାମୀଙ୍କ ଘର ଆଗରେ ନବସି ସଖୀ ସେଣ୍ଟରରେ ରହିବେ । ଯେପର୍ଯ୍ୟନ୍ତ କୋର୍ଟ ଆଗାମୀ ରାୟ ଦେଇ ନାହାଁନ୍ତି ସେ ପର୍ଯ୍ୟନ୍ତ ଡ଼ିମ୍ପଲ ସଖୀ ସେଣ୍ଟରରେ ରହିବେ, ତେବେ ଆନ୍ଦୋଳନରତ ନବବଧୂ ଏହାକୁ ଉଲ୍ଲଂଘନ କରିବା ସହ ପୁନର୍ବାର ସ୍ୱାମୀଙ୍କ ଘର ଆଗରେ ଧାରଣାରେ ବସି ରହିଥିଲେ ।
