ପୁରୀ ଜିଲ୍ଲାରେ ସ୍କ୍ରବଟାଇଫସ ଆତଙ୍କ, ୧୨୦ ଜଣ ପଜିଟିଭ

ପୁରୀ : ସ୍କ୍ରବଟାଇଫସକୁ ନେଇ ସାରା ରାଜ୍ୟ ରେ ଭୟ ଦେଖିବାକୁ ମିଳିଥିବା ବେଳେ ପୁରୀରେ ମଧ୍ୟ ସ୍କ୍ରବ ଟାଇଫସ ଆତଙ୍କ ଦେଖିବାକୁ ମିଳିଛି l ପୁରୀ ରେ ଗତ ଦୁଇ ମାସ ମଧ୍ୟ ରେ ୬୧୩ ଜଣଙ୍କ  ରକ୍ତ ନମୁନା ପରୀକ୍ଷା କରାଯାଇଥିବା ବେଳେ ସେଥିରୁ ୧୨୦ଜଣ ପଜିଟିଭ ଥିବା ଜଣାପଡିଛି |  ଏଥିସହ କୌଣସି ରୋଗୀଙ୍କ ମୁର୍ତ୍ୟୁ ହୋଇନଥିବା ସୂଚନା ମିଳିଛି l ଜୁଲାଇ ମାସ ରେ ପୁରୀ ସଦର ମୁଖ୍ୟ ଚିକିତ୍ସାଳୟ ରେ ୬୯ଜଣଙ୍କ ରକ୍ତ ପରୀକ୍ଷା କରାଯାଇ ସେଥିରୁ ୮ଜଣ ଙ୍କର ପଜିଟିଭ ଅଗଷ୍ଟ ମାସ ରେ ୧୯୬ଜଣ ଙ୍କ ପରୀକ୍ଷା କରାଯଇଥିବା ବେଳେ ସେଥିରୁ ୪୫ଜଣ ପଜିଟିଭ ଏବଂ ସେପ୍ଟେମ୍ବର ମାସ ରେ ୩୫୮ ଜଣ ଙ୍କ ରକ୍ତ ନମୁନା ପରୀକ୍ଷା  କରାଯାଇ ୫୮ଜଣ ଙ୍କ ସ୍ରବଟାଇଫସ ପଜିଟିଭ ଥିବା ସୂଚନା ଦେଇଛନ୍ତି ପୁରୀ ଜିଲ୍ଲା ଜନ ସ୍ୱାସ୍ଥ୍ୟ ଅଧିକାରୀ  l

ସେହିପରି ସୁନ୍ଦରଗଡ଼ରୁ ପୁରୀ ବୁଲିବାକୁ ଆସିଥିବା ପର୍ଯ୍ୟଟକ ଅମନ ଦେହେରି ଙ୍କ ଠାରେ ସ୍କବଟାଇଫସ ଲକ୍ଷଣ ଦେଖା ଦେବା ପରେ ତାଙ୍କ ସମ୍ପ୍ରକୀୟ ମାନେ ତାଙ୍କୁ ପୁରୀ ସଦର ମୁଖ୍ୟ ଚିକିତ୍ସାଳୟ ରେ ଭର୍ତି କରିବା ପରେ  ତାଙ୍କର ମ୍ୟାଲେରିଆ, ଡେଙ୍ଗୁ ସମେତ ସ୍କ୍ରବଟାଇଫସ ର ମଧ୍ୟ ପରୀକ୍ଷା କରାଯାଇଥିବା ବେଳେ ରିପୋର୍ଟ ନେଗେଟିଭ ଆସିଥିବା ଜଣା ପଡିଛି l ଏନେଇ ତାଙ୍କ ସଂପର୍କିୟ ଆଶ୍ବସ୍ତି ଲାଭ କରିଛନ୍ତି l ସେପଟେ ସ୍କ୍ରବଟାଇଫସ କୁ ନେଇ ଜିଲ୍ଲା ସ୍ୱାସ୍ଥ୍ୟ ବିଭାଗ ପକ୍ଷରୁ ବ୍ୟାପକ ପଦକ୍ଷେପ ଗ୍ରହଣ କରାଯିବା ସହ ଲୋକଙ୍କୁ ସଚେତନ କରାଯାଉଥିବା କହିଛନ୍ତି ପୁରୀ ଜିଲ୍ଲା ଜନସ୍ୱାସ୍ଥ୍ୟ ଅଧିକାରୀ ବିରଜା ଶଙ୍କର ରଥ l