ଆଜିଠୁ ରେଳ ଷ୍ଟେସନ୍‌ରେ ସ୍କ୍ରିନିଂ ଡେକ୍ସ: ଲକ୍ଷଣ ଥିଲେ ତତ୍‌କ୍ଷଣାତ ଆଣ୍ଟିଜେନ୍ ଟେଷ୍ଟ

1 min read

ଭୁବନେଶ୍ୱର: ରାଜ୍ୟ ସରକାରଙ୍କ ନିର୍ଦ୍ଦେଶ ପରେ  ମହାରାଷ୍ଟ୍ର, କେରଳ, ତେଲେଙ୍ଗାନା, ଛତିଶଗଡ଼, ପଶ୍ଚିମବଙ୍ଗ, ପଞ୍ଜାବ, ଦିଲ୍ଲୀ, ଚଣ୍ଡୀଗଡ଼, ମଧ୍ୟପ୍ରଦେଶ, ତାମିଲନାଡୁ, କର୍ଣ୍ଣାଟକ ଓ ଆନ୍ଧ୍ର ପ୍ରଦେଶ ଭଳି ୧୨ଟି ରାଜ୍ୟରୁ ଓଡିଶା ଆସୁଥିବା ଲୋକଙ୍କ ଉପରେ ତୀକ୍ଷ୍ଣ ନଜର ରଖାଯିବ । ପୂର୍ବରୁ ଆମେ ଏୟାରପୋର୍ଟରେ ସ୍କ୍ରିନିଂ ଡେକ୍ସ କରିଥିଲୁ।  ତେବେ ଆଜି ସଂନ୍ଧ୍ୟା ସୁଦ୍ଧା ଭୁବନେଶ୍ୱର ରେଳ ଷ୍ଟେସନରେ ୩ ରୁ ୪ ଟି ସ୍କ୍ରିନିଂ  ସେଣ୍ଟର କରାଯିବ। ଏହା ସହ ଗୋଟିଏ ଟେଷ୍ଟିଂ ସେଣ୍ଟର ମଧ୍ୟ କରାଯିବ। ଯେଉଁମାନଙ୍କର ଲକ୍ଷଣ ଦେଖାଯିବ ସଙ୍ଗେ ସଙ୍ଗେ ସେମାନଙ୍କର ଆଣ୍ଟିଜେନ୍ ଟେଷ୍ଟ ସେହିଠାରେ ହିଁ କରାଯିବ। ୧୨ଟି ରାଜ୍ୟରୁ ଆସୁଥିବା ସମସ୍ତ ଟ୍ରେନର ଯାତ୍ରୀମାନଙ୍କର ସ୍କ୍ରିନିଂ ବାଧ୍ୟତାମୂଳକ  କରାଯିବ। ରେଲୱେ ଷ୍ଟେସନର ଉଭୟ ଏଣ୍ଟ୍ରିଂ ଏବଂ ଏକଜିଟ୍ ଗେଟରେ କରାଯିବ ଏହି ସ୍କ୍ରିନିଂ ସେଣ୍ଟର। ତେବେ ବସ୍ ଷ୍ଟାଣ୍ଡରେ ସ୍କ୍ରିନିଂ ଡେକ୍ସ କରିବା ନେଇ ଏ ପର୍ଯ୍ୟନ୍ତ କୌଣସି ନିଷ୍ପତ୍ତି ହୋଇନାହିଁ। ତଥାପି ଆମେ ସେ ଉପରେ ବର୍ତ୍ତମାନ ଆଲୋଚନା ଜାରି ରଖିଛୁ। କାରଣ ପ୍ରତିଦିନ ଅନ୍ୟ ରାଜ୍ୟରୁ ବସ ଓଡିଶା ଆସୁଛି। ତେବେ ଆଲୋଚନା ଜାରି ରହିଛି ସେ ଦିଗରେ।

ଏଥିସହିତ ପଢ଼ନ୍ତୁ: ଆଜି ଅପରାହ୍ଣରେ ପିପିଲି ଉପ-ନିର୍ବାଚନ ତାରିଖ ଘୋଷଣା !

Opn Commnet Area

Leave a Reply

Your email address will not be published. Required fields are marked *

Close Bitnami banner