୮୫ ରନରେ ସ୍କଟଲାଣ୍ଡ ଅଲଆଉଟ୍, ୭.୧ ଓଭରରେ ଟାର୍ଗେଟ୍ ପୂରଣ କରିବା ଦରକାର ଭାରତ
1 min read
ଦୁବାଇ: ଟି-ଟ୍ୱେଣ୍ଟି ୱାର୍ଲ୍ଡକପର ୩୭ ତମ ମ୍ୟାଚରେ ସ୍କଟଲାଣ୍ଡ ୧୭.୪ ଓଭରରେ ୮୫ ରନରେ ସମସ୍ତ ୱିକେଟ୍ ହରାଇଛି । ଭାରତ ଆଗରେ ରହିଛି ୮୬ ରନର ବିଜୟ ଲକ୍ଷ୍ୟ । ଟସ୍ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଥିଲା ଭାରତ । ଆଉ ବିରାଟଙ୍କ ବୋଲିଂ ନିଷ୍ପତ୍ତି ଦଳ ପାଇଁ ଠିକ୍ ସାବ୍ୟସ୍ତ ହୋଇଛି । ଭାରତ ପକ୍ଷରୁ ମହମ୍ମଦ ସାମି ଓ ରବୀନ୍ଦ୍ର ଜାଡ଼େଜା ୩ଟି ଲେଖାଏଁ ୱିକେଟ୍ ନେଇଥିବା ବେଳେ ଯଶପ୍ରୀତ ବୁମରା ଦୁଇଟି ସଫଳତା ପାଇଛନ୍ତି ।
ଏଥିସହ ପଢ଼ନ୍ତୁ: T20 ବିଶ୍ୱକପ୍: ଟସ୍ ଜିତି ସ୍କଟଲାଣ୍ଡ ବିରୋଧରେ ଭାରତର ବୋଲିଂ ନିଷ୍ପତ୍ତି
୭.୧ ଓଭରରେ ଟିମ୍ ଇଣ୍ଡିଆ ୮୬ ରନର ଟାର୍ଗେଟ ପୂରଣ କଲେ ଭାରତର ନେଟ୍ ରନ ରେଟ୍ ଆଫଗାନିସ୍ତାନ ଠାରୁ ଅଧିକ ରହିବ । ସେହିଭଳି ୮୬ ରନର ଟାର୍ଗେଟକୁ ୮.୫ ଓଭରରେ ହାସଲ କଲେ ଭାରତର ନେଟ୍ ରନ ରେଟ୍ ନ୍ୟୁଜିଲାଣ୍ଡ ଟାରୁ ଭଲ ରହିବ । ଏଥିସହ ଭାରତର ରନ ରେଟ୍ +୧.୦୦୦ କରିବା ପାଇଁ ଯେ କୌଣସି ପ୍ରକାରେ ୧୧.୨ ଓଭରରେ ଏହି ଲକ୍ଷ୍ୟ ହାସଲ କରିବାକୁ ପଡ଼ିବ ।
