ସ୍ମାର୍ଟ ସ୍କୁଲରେ ପାଠ ପଢ଼ିବେ ସ୍ୱାଭିମାନ ଅଞ୍ଚଳ ଛାତ୍ରଛାତ୍ରୀ

ମାଲକାନଗିରି: ଲାଲଗଡ଼ରେ ମଡେଲ ସ୍କୁଲ । ସ୍ୱାଭିମାନ ଅଞ୍ଚଳରେ ସ୍ମାର୍ଟ ସ୍କୁଲରେ ପାଠ ପଢିବେ ଛାତ୍ରଛାତ୍ରୀ । ବିଦ୍ୟାଳୟ ରୂପାନ୍ତର ପ୍ରକ୍ରିୟାରେ ଚିତ୍ରକୋଣ୍ଡା ଉଚ୍ଚ ମାଧ୍ୟମିକ ବିଦ୍ୟାଳୟ ନୂଆ ରୂପରେ ଝଲସୁଛି । ପିଲାଙ୍କୁ ପଢିବା ପାଇଁ ସ୍ମାର୍ଟ କ୍ଲାସରୁମ୍, ଅତ୍ୟାଧୁନିକ ବିଜ୍ଞାନ ପରୀକ୍ଷାଗାର, ଇ-ଲାଇବ୍ରେରୀ ବ୍ୟବସ୍ଥା ହୋଇଛି । ଯାହା ଛାତ୍ରଛାତ୍ରୀଙ୍କୁ ଶିକ୍ଷା ପ୍ରତି ଆକୃଷ୍ଟ କରୁଛି ।

ମାଓଗଡ଼ରେ ମୁଣ୍ଡ ଟେକିଛି ମଡେଲ ସ୍କୁଲ । ସ୍ୱାଭିମାନ ଅଞ୍ଚଳରେ ସହରିଆ ଝଲକ । ସ୍ମାର୍ଟ ସ୍କୁଲରେ ପଢିବେ ଉପାନ୍ତ ପିଲା । ଆଉ ନାହିଁ ସେ ୮୦ ଦଶକର ବିଦ୍ୟାଳୟ । ବଦଳିଛି କ୍ଲାସ୍ ରୁମ୍ ବଦଳିଛି ପାଠପଢାର ଢାଞ୍ଚା । ଏଣିକି ସ୍ମାର୍ଟ ସ୍କୁଲରେ ପାଠ ପଢିବେ ମାଲକାନଗିରି ଜିଲ୍ଲା ଚିତ୍ରକୋଣ୍ଡା ସ୍ବାଭିମାନ ଅଞ୍ଚଳର ଛାତ୍ରଛାତ୍ରୀ । ହାଇସ୍କୁଲ ରୂପାନ୍ତର ପ୍ରକ୍ରିୟାରେ ବଦଳିଛି ଚିତ୍ରକୋଣ୍ଡା ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟର ଚିତ୍ର ।

ପିଲାଙ୍କୁ ପାଠପଢିବା ପାଇଁ ଅତ୍ୟାଧୁନିକ କ୍ଳାସ୍‌ ରୁମ୍ ସହ ସ୍ମାର୍ଟ ବୋଡ୍ର ବ୍ୟବସ୍ଥା ହୋଇଛି । ଇ-ଲାଇବ୍ରେରୀ, ସାଇନ୍ସଲ୍ୟାବ, କମ୍ପ୍ୟୁଟର ଲ୍ୟାବ, ଆଧୁନିକ ଶୌଚାଳୟ, ସହ କ୍ରୀଡ଼ା ଭିତ୍ତିଭୂମୀର ବିକାଶ କରାଯାଇଛି । ଯାହା ଛାତ୍ରଛାତ୍ରୀଙ୍କୁ ଶିକ୍ଷା ପ୍ରତି ଆକୃଷ୍ଟ କରୁଛି ।ସ୍ୱାଭିମାନ ଅଞ୍ଚଳରେ ପରିବର୍ତ୍ତରର ରଙ୍ଗ ଲାଗିଛି । ଫାଇଭ୍-ଟି ଅଧିନରେ ମହକୁଛି ଚିତ୍ରକୋଣ୍ଡାର ପୁରୁଣା ସ୍କୁଲ । ରଙ୍ଗବେରଙ୍ଗର ଫୁଲଗଛରେ ବିଦ୍ୟାଳୟ ବଗିଚା ସଜେଇ ହୋଇଥିବା ବେଳେ କାନ୍ଥରେ ଆଦିବାସୀଙ୍କ ପାରମ୍ପରିକ ଚିତ୍ର ଓ ନୀତିବାଣୀରୁ ନୀତି ଶିକ୍ଷା ନେଉଛନ୍ତି ଛାତ୍ରଛାତ୍ରୀ । ସେପଟେ ବିଦ୍ୟାଳୟର ବିକାଶକୁ ନେଇ ଖୁସି ପ୍ରକାଶ କରିଛନ୍ତି ପୁରାତନ ଛାତ୍ରଛାତ୍ରୀ ଓ ଅଭିଭାବକ ।