ଅନଲାଇନ୍ ପାଠପଢ଼ା ଯୋଗୁଁ କମିଛି ସ୍କୁଲ୍ ଖର୍ଚ୍ଚ, ଫି’ କମାଇବାକୁ ସୁପ୍ରିମକୋର୍ଟଙ୍କ ପରାମର୍ଶ

1 min read
Schools Must Reduce Fees For Online Classes Supreme Court

ନୂଆଦିଲ୍ଲୀ: କରୋନା ସଂକ୍ରମଣ ଯୋଗୁଁ ସ୍କୁଲ୍ ଖୋଲୁନାହିଁ । ଏବେ ଅନଲାଇନ୍ କ୍ଲାସ୍ ଚାଲିଛି । ଏହାରି ଭିତରେ ଅଭିଭାବକଙ୍କ ପାଇଁ ଆଶ୍ୱସ୍ତିର ନିଷ୍ପତ୍ତି ନେଇଛନ୍ତି ସୁପ୍ରିମକୋର୍ଟ । କୋର୍ଟ କହିଛନ୍ତି, ସ୍କୁଲ୍ ବନ୍ଦ ରହିଛି । କ୍ୟାମ୍ପସରେ ଦିଆଯାଉଥିବା ସୁବିଧା ଲାଗି ଖର୍ଚ୍ଚ କରିବାକୁ ପଡ଼ୁନାହିଁ । ଏଥିପାଇଁ ପରିଚାଳନା ଖର୍ଚ୍ଚ କମ୍ ହୋଇଛି । ଏଥିପାଇଁ ସ୍କୁଲକୁ ଅନଲାଇନ୍ କ୍ଲାସେସ୍ ଫି’ ହ୍ରାସ୍ କରିବା ଉଚିତ୍ ।

ରାଜସ୍ଥାନ ସରକାର ଘରୋଇ ସ୍କୁଲକୁ ୩୦ ପ୍ରତିଶତ ଫି’ ଛାଡ଼ କରିବା ପାଇଁ ନିର୍ଦ୍ଦେଶ ଦେଇଥିଲେ । ଏହାକୁ ବିରୋଧ କରି କେତେକ ସ୍କୁଲ୍ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲେ । ଜଷ୍ଟିସ୍ ଏଏମ୍ ଖାନାବିଲକର ଓ ଜଷ୍ଟିସ୍ ଦିନେଶ ମାହେଶ୍ୱରୀ ଖଣ୍ଡପୀଠ ଆବେଦନର ଶୁଣାଣି କରି କହିଛନ୍ତି- ଏମିକି କୌଣସି ଆଇନ୍ ନାହିଁ, ଯାହା ରାଜ୍ୟ ସରକାରଙ୍କୁ ଏମିତି ଆଦେଶ ଜାରି କରିବାକୁ ଅନୁମତି ଦେଉଛି । ତେବେ, ଆମେ ଭାବୁଛୁ ସ୍କୁଲି ଫି’ ହ୍ରାସ୍ ହେବା ଆବଶ୍ୟକ ।

Schools Must Reduce Fees For Online Classes Supreme Court

ଖଣ୍ଡପୀଠ କହିଛନ୍ତି, ଶିକ୍ଷାନୁଷ୍ଠାନ ପରିଚାଳନା କରୁଥିବା କର୍ତ୍ତୃପକ୍ଷ ସମ୍ବେଦନଶୀଳତା ଦେଖାଇବା ଦରକାର । ଲୋକ ମହାମାରୀ ଯୋଗୁଁ ବହୁ ଅସୁବିଧାର ସମ୍ମୁଖୀନ ହେଉଛନ୍ତି । ସ୍କୁଲ ଗୁଡ଼ିକ ଅଭିଭାବକ ଓ ଛାତ୍ରଛାତ୍ରୀଙ୍କୁ ଆଶ୍ୱସ୍ତି ଦେଲା ଭଳି ପଦକ୍ଷେପ ନେବା ଉଚିତ୍ ।

ଏଥିସହ ସୁପ୍ରିମକୋର୍ଟ କହିଛନ୍ତି, କ୍ୟାମ୍ପସରେ ଛାତ୍ରଛାତ୍ରୀଙ୍କୁ ମିଳୁଥିବା ସୁବିଧା ଏବେ ମିଳୁନାହିଁ । କିନ୍ତୁ ସେନେଇ ମିଳୁଥିବା ଦେୟରୁ ସ୍କୁଲକୁ ଲାଭ ମିଳୁଛି । ଆଇନ୍ ଅନୁସାରେ ଛାତ୍ରଛାତ୍ରୀଙ୍କୁ ମିଳୁନଥିବା ସୁବିଧା ପାଇ ସ୍କୁଲ୍ ଟଙ୍କା ନେଇ ପାରିବ ନାହିଁ ।

Opn Commnet Area

Leave a Reply

Your email address will not be published. Required fields are marked *

Close Bitnami banner