ସ୍କୁଲ ପୋଷାକର ରଙ୍ଗ ବଦଳାଇଲେ ରାଜ୍ଯ ସରକାର

ଭୁବନେଶ୍ବର : ବଦଳିଲା ନବମ ଓ ଦଶମ ଶ୍ରେଣୀ ୟୁନିଫର୍ମ । ସ୍କୁଲ ପୋଷାକର ରଙ୍ଗ ବଦଳାଇ ଦେଇଛନ୍ତି ରାଜ୍ଯ ସରକାର । ଉଭୟ ଛାତ୍ର ଓ ଛାତ୍ରୀଙ୍କ ପ୍ଯାଣ୍ଟ ରଙ୍ଗ ଇଷତ୍ ଖଇରିଆ ରଙ୍ଗ କରାଯାଇଥିବାବେଳେ ଚନ୍ଦନ ରଙ୍ଗର ଚେକ୍ ସାର୍ଟ କରାଯାଇଛି । ଛାତ୍ରୀମାନଙ୍କ ପାଇଁ ଇଷତ ଖଇରିଆ ରଙ୍ଗର ଜ୍ୟାକେଟ ମଧ୍ଯ ରହିଛି । ଯେଉଁ ବିଦ୍ଯାଳୟରେ ପୁରୁଣା ଡିଜାଇନର ପୋଷାକ ବିତରଣ ସରିନଥିବ କିମ୍ବା ସିଲାଇ କରିବାକୁ ଦିଆଯାଇନଥିବ ସେହି ବିଦ୍ଯାଳୟରେ ଏହି ଡିଜାଇନ ପୋଷାକ ପ୍ରଦାନ କରାଯିବ । ଏହା ସବୁ ସରକାରୀ ଓ ସରକାରୀ ଅନୁଦାନପ୍ରାପ୍ତ ସ୍କୁଲଗୁଡିକ ପାଇଁ ଲାଗୁ ହେବ ବୋଲି ବିଜ୍ଞପ୍ତି ପ୍ରକାଶ ପାଇଛି । ମୁଖ୍ଯମନ୍ତ୍ରୀ ଛାତ୍ରଛାତ୍ରୀ ପରିଧାନ ଯୋଜନାରେ ନୂଆ ୟୁନିଫର୍ମ ବଣ୍ଟନ କରାଯିବ । କିଛିଦିନ ପୂର୍ବରୁ ବିଭାଗୀୟ ମନ୍ତ୍ରୀ କହିଥିଲେ, ଆସନ୍ତାବର୍ଷରୁ ପୋଷାକର ରଙ୍ଗ ବଦଳିବ । ହେଲେ ଅଚାନକ ୟୁନିଫର୍ମ ପରିବର୍ତ୍ତନକୁ ନେଇ ଛାତ୍ରଛାତ୍ରୀ ଓ ବ୍ଯବସାୟୀ ଅସୁବିଧାର ସମ୍ମୁଖୀନ ହୋଇପାରନ୍ତି ।