ଶିକ୍ଷକଙ୍କ ବାଡି ନିର୍ଦ୍ଦେଶରେ ବିଲ୍ଡିଂ ପାଇଁ ଇଟା, ବାଲି ବୋହିଲେ ସ୍କୁଲ ଛାତ୍ର, ଭାଇରାଲ ହେଲା ଭିଡିଓ
ବ୍ରହ୍ମପୁର: ବିପଜ୍ଜନକ କାର୍ଯ୍ୟରେ ସ୍କୁଲ ଛାତ୍ରଛାତ୍ରୀ । ଭାଇରାଲ୍ ହେଲା ଭିଡିଓ । ଘଟଣା ଘଟିଛି ବ୍ରହ୍ମପୁର ବାସୁଦେବନଗର ନିକଟ ଘରୋଇ ବିଦ୍ୟାଳୟରେ । ଭିଡିଓରେ ୪୦ରୁ ୫୦ଜଣ ଛାତ୍ର ଏକ ବହୁତଳ ବିଲ୍ଡିଂ ପାଇଁ ଇଟା ଓ ବାଲି ବୋହୁଥିବା ଦେଖିବାକୁ ମିଳୁଛି । ଏପରିକି ଭିଡିଓରେ ସ୍କୁଲ ଶିକ୍ଷକ ବାଡି ଧରି ପିଲାଙ୍କୁ ଶୀଘ୍ର କାମ କରିବାକୁ ନିର୍ଦ୍ଦେଶ ଦେଉଛନ୍ତି ।
ତେବେ ଏ ଘଟଣା ଦିନକର ନୁହେଁ । ପ୍ରତିଦିନ ସ୍କୁଲର ଛାତ୍ରଛାତ୍ରୀଙ୍କୁ ଏଭଳି କାମରେ ନିୟୋଜିତ କରାଯାଉଥିବା ଭିଡିଓ ଅପଲୋଡ୍ କରିଥିବା ବ୍ୟକ୍ତିଜଣକ କହିଛନ୍ତି ।
ତେବେ ପ୍ରଶ୍ନ ଉଠୁଛି, ସ୍କୁଲ କର୍ତ୍ତୃପକ୍ଷ ପିଲାଙ୍କୁ ଏଭଳି କାମରେ କିପରି ନିୟୋଜିତ କଲେ ? ଯଦି କିଛି ଅଘଟଣ ହୁଏ, କିଏ ଦାୟୀ ହେବ? ଘଟଣା ନେଇ ତଦନ୍ତ କରି କାର୍ଯ୍ୟାନୁଷ୍ଠାନ ନେବାକୁ ଦାବି ହୋଇଛି ।
