ଭୁବନେଶ୍ୱର : ରାଜ୍ୟରେ ପ୍ରଚଣ୍ଡ ଗ୍ରୀଷ୍ମପ୍ରବାହ ଜାରି ରହିଥିବାରୁ ନିଷ୍ପତ୍ତିର ପୁନର୍ବିଚାର କରି ଅବଧି ବଢାଇବାକୁ ଦାବି କରିଛି ଓଡିଶା ମାଧ୍ୟମିକ ଶିକ୍ଷକ ସଂଘ। ଆସନ୍ତାକାଲି ସ୍କୁଲ ଖୋଲିବାକୁ ରାଜ୍ୟ ଗଣଶିକ୍ଷା ବିଭାଗ ବିଜ୍ଞପ୍ତି ପ୍ରକାଶ କରିଥିବା ବେଳେ ରାଜ୍ୟରେ ଗ୍ରୀଷ୍ମପ୍ରବାହ ଜାରି ରହିଛି। ଯଦି ସ୍କୁଲ ଖୋଲେ ତେବେ ଛାତ୍ରଛାତ୍ରୀମାନେ ପ୍ରଭାବିତ ହେବାର ଆଶଙ୍କା ରହିଛି।
କାରଣ ରାଜ୍ୟରେ କିଛି ସ୍କୁଲରେ ପଙ୍ଖା ସୁବିଧା ନାହିଁ କି ପିଇବା ପାଣିର ବ୍ୟବସ୍ଥା ନାହିଁ। ତେଣୁ ଛାତ୍ରଛାତ୍ରୀମାନେ ଅଂଶୁଘାତର ଶୀକାର ହେବାର ସମ୍ଭାବନା ରହିଛି। ତେଣୁ ଗ୍ରୀଷ୍ମଲହରୀ କମିଲେ ସ୍କୁଲ ଖୋଲିବାକୁ ଦାବି କରିଛି ଓଷ୍ଟା। ଅନ୍ୟପକ୍ଷରେ ପାଣିପାଗ ବିଭାଗର ରିପୋର୍ଟକୁ ଦେଖି ପରବର୍ତ୍ତି ନିଷ୍ପତ୍ତି ନିଆଯିବ ବୋଲି କହିଛନ୍ତି ମୁଖ୍ୟ ଶାସନ ସଚିବ।
