ସକାଳ ପରିବର୍ତ୍ତେ ୧୦ଟାରେ ବାଜିଲା ସ୍କୁଲ୍ ଘଣ୍ଟି । ଶନିବାର ୧୦ଟାରୁ ୪ ଟା ଯାଏଁ ଚାଲିଲା କ୍ଲାସ । ଶୀତ ପ୍ରବାହକୁ ଦୃଷ୍ଟିରେ ରଖି କଟକ ଓ ବାଲେଶ୍ବରରେ ଏଣିକି ପ୍ରତି ଶନିବାର ସକାଳ ବରିବର୍ତ୍ତେ ୧୦ରୁ ସ୍କୁଲ ଖୋଲିବାକୁ ନିଷ୍ପତ୍ତି ନେଇଛି ପ୍ରଶାସନ । କଟକ ଓ ବାଲେଶ୍ବରରେ ଲଗାତର ୪ ଦିନ ଧରି ୧୦ ଡିଗ୍ରୀ ତଳେ ପାରା ରହୁଛି । ଶନିବାରୁ ସକାଳୁ ପିଲାଏ ସ୍କୁଲକୁ ଆସିବାକୁ ଭୟ କରୁଛନ୍ତି । ପ୍ରାର୍ଥନାବେଳେ ଥରୁଛନ୍ତି ଛାତ୍ରଛାତ୍ରୀ । ତେବେ ଆଗକୁ ବାର୍ଷିକ ପରୀକ୍ଷା ଥିବାରୁ ସ୍କୁଲ ବନ୍ଦ ନକରି ପ୍ରତି ଶନିବାର ୧୦ଟାରୁ ସ୍କୁଲ ଖୋଲାଯାଇଛି । ସମସ୍ତ ପ୍ରାଥମିକ, ଉଚ୍ଚ ପ୍ରାଥମିକ ଏବଂ ମାଧ୍ୟମିକ ସ୍କୁଲରେ ଏହା କାର୍ଯ୍ୟକାରୀ କରାଯାଇଛି ।
ପ୍ରବଳ ଜାଡରେ ଥରୁଛି ସାରା ଓଡିଶା । ଟୁଇନ ସିଟିରେ ଲଗାତର ୪ ଦିନ ହେଲା ୧୦ ଡିଗ୍ରୀ ତଳେ ରହୁଛି ତାପମାତ୍ରା । ରାଜ୍ୟର ୨୫ ସହରରେ ୧୦ ଡିଗ୍ରୀ ତଳେ ପାରା ରହୁଛି । ତେବେ କାଲିଠୁ ଶୀତ ସାମାନ୍ୟ କମିବା ନେଇ ପୂର୍ବାନୁମାନ କରିଛି ପାଣିପାଗ କେନ୍ଦ୍ର । ଦକ୍ଷିଣପଶ୍ଚିମ ବଙ୍ଗୋପସାଗରରେ ସକ୍ରିୟ ଗଭୀରଅବପାତ ଯୋଗୁ ବାହ୍ୟବଳୟରେ ବାଦନ ଆଚ୍ଛାଦିତ ହୋଇଛି । ରାଜ୍ୟକୁ ଜଳୀୟବାଷ୍ପ ପୂର୍ଣ୍ଣ ବାୟୁ ପ୍ରବାହ ବୃଦ୍ଧି ହେତୁ ପାରା ସାମାନ୍ୟ ବୃଦ୍ଧି ପାଇବା ନେଇ ପୂର୍ବାନୁମାନ କରିଛି ପାଣିପାଗ କେନ୍ଦ୍ର । ଜି ଉଦୟଗିରିରେ ସର୍ବନିମ୍ନ ତାପମାତ୍ରା 2.2 ଡିଗ୍ରୀ ରହିଛି । ସେହିପରି ଝାରସୁଗୁଡାରେ 7.8 ଡିଗ୍ରୀ, ଅନୁଗୁଳ 7.3 ଡିଗ୍ରୀ ରହିଛି । ଆସନ୍ତା 24 ଘଣ୍ଟା ଶୀତ ଲହରୀ ପାଇଁ 6 ଜିଲ୍ଲାକୁ ସତର୍କ ସୂଚନା ଦିଆଯାଇଛି ।
