ସ୍କୁଲ ଖୋଲିବା ପରେ ସିଲାବସ ନେଇ ନିଆଯିବ ନିଷ୍ପତ୍ତି : ଗଣଶିକ୍ଷା ମନ୍ତ୍ରୀ
1 min readଭୁବନେଶ୍ୱର: କରୋନା କାରଣରୁ ସ୍କୁଲ କଲେଜ ସବୁ ବନ୍ଦ । ଦିନ ବଢିବା ସହ ଅଣଆୟତ ହେଉଛି କରୋନା ସଂକ୍ରମିତଙ୍କ ସଂଖ୍ୟା । ଏଭଳି ସ୍ଥିତିରେ କେମିତି ପାଠ ପଢିବେ ପିଲା କେବେ ଖୋଲିବ ସ୍କୁଲ ଏନେଇ ସୃଷ୍ଟି ହୋଇଛି ପ୍ରଶ୍ନ । ଏନେଇ ପିଲାଙ୍କ ପାଠ ପଢାନେଇ ଅଭିଭାବକଙ୍କ ଚିନ୍ତା ବିଢିଥିବା ବେଳେ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ ଏନେଇ ମତାମତ ରଖିଛନ୍ତି ।
କେବେ ଖୋଲିବ ସ୍କୁଲ, କଣ ରହିବ ସିଲାବସ । ଏହା ଉପରେ ପ୍ରତିକ୍ରିୟା ରଖିଛନ୍ତି ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ । CBSE ଯାହା ନିଷ୍ପତ୍ତି ନେଇଛି, ତା’ ଉପରେ ବିଚାର କରାଯିବ । ଅଗଷ୍ଟ ମାସର ସ୍ଥିତିକୁ ଦେଖି ସ୍କୁଲ୍ ଖୋଲିବା ନେଇ ନିଷ୍ପତ୍ତି ନିଆଯିବ ବୋଲି ମନ୍ତ୍ରୀ କହିଛନ୍ତି । ସ୍କୁଲ୍ ଖୋଲିବା ଦିନକୁ ଆଧାର କରି କେତେ ପ୍ରତିଶତ ପାଠ ପଢାଯିବ ସେ ନେଇ ମଧ୍ୟ ନିଷ୍ପତ୍ତି ନିଆଯିବ।
ପିଲାଙ୍କ ସ୍ୱାର୍ଥକୁ ଦୃଷ୍ଟିରେ ରଖି ରାଜ୍ୟ ସରକାର ନିଷ୍ପତ୍ତି ନେବେ। ଖାଲି ୩୦ ପ୍ରତିଶତ ନୁହେଁ, ସିଲାବସ୍ରେ ଅଧିକ ହ୍ରାସ ହୋଇପାରେ। ଯେହେତୁ ସ୍କୁଲ୍ ଖୋଲିନି, ତେଣୁ ଏ ବାବଦରେ ଏବେଠୁ କହିବା ଠିକ୍ ହେବନି ବୋଲି ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ କହିଛନ୍ତି । ସେପଟେ ଶିକ୍ଷାବିତ କହିଛନ୍ତି, CBSE ଭଳି ରାଜ୍ୟ ସରକାର ବି କୋର୍ସ କମାନ୍ତୁ। ଏହାଦ୍ୱାରା ଛାତ୍ରଛାତ୍ରୀ ଉପକୃତ ହେବେ। ରାଜ୍ୟ ସ୍କୁଲ୍ ଶିକ୍ଷକ ସଂଘ, ଓଷ୍ଟା ମଧ୍ୟ ଏହା ସପକ୍ଷରେ ମତ ରଖିଛି ।
(ଭୁବନେଶ୍ୱରରୁ ପ୍ରିୟପ୍ରିତମ ମହାନ୍ତି)
