ସ୍କୁଲ ପାଠ୍ୟକ୍ରମରେ ସାମରିକ ବାହିନୀ ସଂପର୍କିତ ବିଷୟ ରହିବାର ଆବଶ୍ୟକତା ଅଛି: ଏଲ୍ଜି ଚଣ୍ଡିପ୍ରସାଦ
ଭୁବନେଶ୍ୱର: ସୈନିକ ସ୍କୁଲ ପରିଦର୍ଶନ କରିଛନ୍ତି ଲେଫ୍ଟନାଣ୍ଟ ଜେନେରାଲ ଚଣ୍ଡୀପ୍ରସାଦ ମହାନ୍ତି । ଯୁବକ ଯୁବତୀଙ୍କୁ ସେନା ବାହିନୀରେ ଯୋଗଦେବା ପାଇଁ ସେ ଆହ୍ୱାନ ଦେଇଛନ୍ତି । ଏନସିସି, ଆର୍ମି ସ୍କୁଲ ସଂପର୍କରେ ଆଗ୍ରହୀ ହେବାକୁ ପରାମର୍ଶ ଦେଇଛନ୍ତି । ସେ କହିଛନ୍ତି, ଯେକୌଣସି ବିଦେଶୀ ଆକ୍ରମଣକୁ ମୁକାବିଲା କରିବାକୁ ଭାରତୀୟ ସେନା ସକ୍ଷମ ।
ଭାରତ ଏବେ ଏକ ଶକ୍ତିଶାଳୀ ଦେଶ ଭାବେ ପରିଗଣିତ ହେଉଛି । ଭାରତୀୟ ସେନାରେ ଆଧୁନିକୀକରଣ କରାଯାଉଛି । ଭାରତୀୟ ସେନା ବିଶ୍ୱର ନମ୍ବର ଓ୍ୱାନ୍ ଆର୍ମି ବୋଲି ଚଣ୍ଡୀପ୍ରସାଦ କହିଛନ୍ତି ।
ଖାଲି ସେତିକି ନୁହେଁ ନିଜ ଭାଷଣରେ ସେ କହିଛନ୍ତି, ସ୍କୁଲ ପାଠ୍ୟକ୍ରମରେ ସାମରିକ ବାହିନୀ ସଂପର୍କିତ ବିଷୟ ରହିବାର ଆବଶ୍ୟକତା ଅଛି । ପ୍ରଥମ ଓଡ଼ିଆ ଭାବେ ସେ ଭାରତୀୟ ସେନାର ଭାଇସ୍ ଚିଫ୍ ପଦବୀକୁ ଉନ୍ନୀତ ହୋଇଛନ୍ତି । ସେନା ଉପମୁଖ୍ୟ ଏସ୍.କେ ସାଇନିଙ୍କଠାରୁ ଦାୟିତ୍ୱ ଗ୍ରହଣ କରିବେ ଲେଫ୍ଟନାଣ୍ଟ ଜେନେରାଲ ଚଣ୍ଡୀପ୍ରସାଦ ମହାନ୍ତି । ଜାନୁଆରୀ ୩୧ ତାରିଖରେ ଏସ୍.କେ ସାଇନିଙ୍କ କାର୍ଯ୍ୟକାଳ ସରୁଥିବା ବେଳେ ଲେଫ୍ଟନାଣ୍ଟ ଜେନେରାଲ ଚଣ୍ଡିପ୍ରସାଦ ତାଙ୍କ ସ୍ଥାନ ଗ୍ରହଣ କରିବେ ।
