ବିପର୍ଯ୍ୟୟ ସ୍କୁଲ ବ୍ୟବସ୍ଥା : ପାଠପଢ଼ା ଛାଡ଼ି ବାହାରେ ବୁଲୁଛନ୍ତି ପିଲା

ଆସିକା : ସ୍କୁଲରେ ପାଠପଢ଼ା ସମୟରେ ବାହାରେ ବୁଲୁଛନ୍ତି ପିଲା । ଆଉ କିଛି ପିଲା ସ୍କୁଲ ପାଖ ପୋଖରୀ ହୁଡ଼ାରେ ବସି ଗପସପ୍ କରୁଛନ୍ତି । ସେପଟେ କ୍ଲାସ ରୁମରେ ମଧ୍ୟ ପିଲାମାନେ ଡିଆଁଡିଇଁ, ହୋ ହଲ୍ଲା କରୁଛନ୍ତି । ଏଭଳି ଦୃଶ୍ଯ ଦେଖିବାକୁ ମିଳିଛି ଗଞ୍ଜାମ ଜିଲ୍ଲା ଧରାକୋଟ ବ୍ଲକର ହରିପୁର ନୋଡାଲ ଉଚ୍ଚ ବିଦ୍ୟାଳୟରେ । ସ୍କୁଲରେ ଶୌଳାଚଳୟ ନଥିବା ବେଳେ ପାଚେରୀ ନଥିବାରୁ ପିଲାମାନେ ବାହାରେ ବୁଲୁଛନ୍ତି । ଏହି ସ୍କୁଲରେ ପାଠପଢ଼ା ପାଇଁ ୧୩ଜଣ ଶିକ୍ଷକ ଶିକ୍ଷୟତ୍ରୀ ରହିଛନ୍ତି । ମାତ୍ର ୩ରୁ ୪ଜଣ ଶିକ୍ଷକ ଆସି ଦାୟିତ୍ଵ ତୁଲାଉ ଥିବାରୁ ପାଠପଢ଼ାରେ ବ୍ୟାଘାତ ସୃଷ୍ଟି ହୋଇଛି ।  ଶିକ୍ଷକମାନେ ସ୍କୁଲ ଆସୁନଥିବାରୁ ପାଠ ପଢ଼ା ହେଉନାହିଁ ବୋଲି କହିଛନ୍ତି ଛାତ୍ରଛାତ୍ରୀ । ସେପଟେ ପିଲାଙ୍କ ଭବିଷ୍ଯତ ନେଇ ଚିନ୍ତାରେ ଅଭିଭାବକ ।

ରାଜ୍ୟରେ ସରକାର ପରିବର୍ତ୍ତନ ପରେ ବିପର୍ଯ୍ୟସ୍ତ ହୋଇ ପଡିଛି ଶିକ୍ଷା ବ୍ୟବସ୍ଥା l ସ୍କୁଲରେ ଶିକ୍ଷକ କ୍ଲାସ ସମୟରେ ଧ୍ଯାନ ଦେଉନଥିବାରୁ ଢିଲା ହୋଇଛି ପାଠପଢ଼ା । ଯାହା ଧରାକୋଟ ବ୍ଲକର ହରିପୁର ନୋଡାଲ ଉଚ୍ଚ ବିଦ୍ୟାଳୟରେ ଦେଖିବାକୁ ମିଳିଛି । ପ୍ରଥମରୁ ଦଶମ ଶ୍ରେଣୀ ପର୍ଯ୍ୟନ୍ତ ୪୩୦ଜଣ ଛାତ୍ରଛାତ୍ରୀ ମାନଙ୍କ ପାଇଁ ୧୩ଜଣ ଶିକ୍ଷକ ରହିଛନ୍ତି । ବାକି ଶିକ୍ଷକ କୁଆଡ଼େ ଗଲେ ବୋଲି ଉଠିଛି ପ୍ରଶ୍ନ । ସେପଟେ ୨ଜଣ ଶିକ୍ଷକ ତାଲିମରେ ଯାଇଥିବା, ଦାୟିତ୍ୱରେ ଥିବା ପ୍ରଧାନ ଶିକ୍ଷୟତ୍ରୀ କହିଥିବା ବେଳେ ୫ଜଣ ଶିକ୍ଷକ ତାଲିମ ଯାଇଥିବା କହୁଛନ୍ତି ଧରାକୋଟ ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ । କଥାରେ ତାଳମେଳ ରହୁ ନଥିବାରୁ ପିଲାଙ୍କ ଭବିଷ୍ୟତ ଅନ୍ଧାର ମଧ୍ୟକୁ ଠେଲି ହୋଇଯାଉଛି । ହରିପୁର ନୋଡାଲ ଉଚ୍ଚ ବିଦ୍ୟାଳୟରେ ପାଠପଢ଼ାରେ ଅବହେଳା ହେଉଥିବା ବେଳେ । ପ୍ରଧାନ ଶିକ୍ଷୟତ୍ରୀ ଓ ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀଙ୍କ କଥାରେ ତଳ ମେଳ ରହୁନାହିଁ l ନିଯୁକ୍ତି ପାଇ ଦାୟିତ୍ଵ ତୁଲାଉନଥିବା ଶିକ୍ଷକ ମାନଙ୍କ ଉପରେ କାର୍ଯ୍ୟାନୁଷ୍ଠାନ ପାଇଁ ଦାବି ହୋଇଛି ।